Ekki fréttir

Ég verð alltaf jafn undrandi þegar ég sé hið mikla magn ekki frétta sem fjölmiðlar hamast við að dæla í okkur. Manni dettur stundum í hug að það þurfi að fylla upp í ákveðið magn af megabætum á netmiðlunum og dálksentimetra í prentmiðlunum. Að ógleymdum þögnunum sem þarf að yfirgnæfa á ljósvakanum. Þá er greinilega talið betra að fylla viðkomandi tómarúm með stórkostlegum ekki fréttum. Eða fréttaleysum.

Ein fréttaleysan sem ég rak augun í, í einhverjum fréttamiðlinum voru þau stórkostlegu tíðindi að einn keppanda í "raunveruleikaþættinum" Hæðinni væri bróðir útvarpsmannsins Þrastar 3000!!!! Who the fuck? Þröstur 3000 for crying out loud. Hverjum er ekki sama hvort hann á bróður og enn meira sama um að hann sé að dunda sér við að innrétta eitthvað hús í beinni?

Ja, mér stendur allavega nákvæmlega á sama.

Er ekki kærasta Ivica Kostelic!

Athugasemdir

[Helga Guðrún Eiríksdóttir, 19.4.2008 kl. 15:42]

Þröstur 3000? Aldrei heyrt á manninn minnst. Kannski skrítnir menn taki sér svona þúsundkalla sem millinöfn til að vera töff eins og Ástþór. Ætli 69000 sé tekið?

[Markús frá Djúpalæk, 19.4.2008 kl. 15:43]

Hef ekki séð neinn kalla sig Helga 69000 - hér er lag!

[Helga Guðrún Eiríksdóttir, 19.4.2008 kl. 15:58]

Má ekki stytta þetta eitthvað.. fækka núllum til dæmis? Núll er nottlega bara núll og nix hvort sem er þannig að þau hljóta að vera óþörf.. Then again.. Þröstur 3.. Ástþór 2.. úff, þetta er dilemma mar!

[Markús frá Djúpalæk, 19.4.2008 kl. 16:00]

Flókið dæmi, en ef þeir væru 2 og 3 hver ætti þá að vera #1? Ólafur Ragnar 1 kannski. Flókið dæmi. Og ertu ekki svolítið neðarlega í frægðarröðinni að vera bara Helga 69?

[Helga Guðrún Eiríksdóttir, 19.4.2008 kl. 16:14]

Ég hef alltaf verið neðarlega í þeirri röð og mér þykir ágætt að halda mig á þeim slóðum.. en hvar værir þú.. þú hlytir nú að vera mjög ofarlega svona frægur úbarpskall.. hvaða tölur eru lausar.. eða rennilásar.. nei heyrðu, nú verður maður að fara að beygja inná veg aftur sko.. þetta stefnir í móana og veltu..

[Markús frá Djúpalæk, 19.4.2008 kl. 16:18]

[Þorsteinn Briem, 19.4.2008 kl. 16:19]

Jamm, það var bara fínt að vera úti í móum í góða veðrinu í dag, krakkar mínir, og Mogginn er kominn upp í Hádegismóa með spóanum.

[Hrönn Sigurðardóttir, 19.4.2008 kl. 22:21]

úff þetta er spúkí! ég var að horfa á mynd sem heitir 23 gafst raunar upp - mæli ekki með henni - svo sitjið þið hér og talið í tölum.........

Talandi um álfa............