Litið um öxl

...og þá er það búið. Gleðilegt nýtt ár allir sem hingað reka inn nefið. Verið glöð og góð og munið að lífið getur alveg verið skemmtilegt.

Viðbjóður

AGÚRKUHRINGUR 3 Blöð matarlím1/2 bolli vatn1/2 tsk salt1  1/2 bolli söxuð agúrka400 gr.kotasæla200 gr.rjómaostur1 msk.saxaður laukur1/2 bolli majonsósa1/2 bolli saxað sellerí Leysið matarlímið upp í saltvatni.  Afhýðið og saxið agúrkuna.  Hrærið rjómaostinn mjúkan.  Blandið matarlíminu í þá kotasælunni, agúrkunni, lauknum, majonsósunni og selleríinu.  Hellt í mót og kælt.

Stormviðvörun í nótt

Gleðileg Jól

Tíu litlir....

Ársins 2007 verður sennilega minnst í sögubókum sem ársins þar sem pólitísk rétthugsun náði að festa rætur. Ein birtingamynda þeirrar rétthugsunar kristallaðist í hörðum mótmælum gegn bókinni um hina tíu lánlausu litlu negrastráka sem var endurútgefin á árinu, mörgum til hremmingar, öðrum til ómældrar ánægju. Svo var stór hópur fólks sem var eiginlega alveg sama um bókina og deilurnar um hana.
En hvað sem gæðum kvæðanna um negrastrákanna líður, hvað sem líður neikvæðri merkingu orðsins negri, hvað sem líður skelfilegum örlögum strákanna þá fann ég í eldgamalli bók sem inniheldur jólavísur fyrir börn, kvæði sem er skrifað á Hallgrím Jónsson, sem nefnist Tíu litlir tappar. Maður þarf ekki að vera mjög djúpþenkjandi til að átta sig á hvaðan hugmyndin kemur.

Hér kemur það:

Tíu litlir tappar þvoðu

trog og mjólkursíu.

Einn datt út í elfina

en eftir voru níu.

 

Níu þreyttir naggar fóru

nauðaseint að hátta.

Valt þá einn úr veröldinni,

voru nú eftir átta.

 

Átta heppnir oflátungar

eignuðust skipin tvö.

Fyrir borðstokk fellur einn,

á fleyjunum stóðu sjö.

 

Sjö kátum sendiherrum

sífellt auður vex.

Lagðist einn og lézt úr fári,

lifðu þá eftir sex.

 

Sex ungum seggjum þótti

sumarnóttin dimm.

Týndist einn í ljósaleit,

nú lifðu eftir fimm.

 

Fimm vaska förudrengi

fyllti karlinn Þórir.

Einn úr svefni andaðist,

en eftir voru fjórir.

 

Fjórir kátir ferðalangar

fóru yfir brýr.

Óhapp einum mætti,

en áfram héldu þrír.

 

Þrír brattir þokkapiltar

þrömmuðu yfir leir.

Einn sat þar fastur,

en yfir komust tveir.

 

Tvo hrædda tvífætlinga

tók hann Sterki-Sveinn.

Þrekið þraut hins minna,

og þá var eftir einn.

 

Einn pjakkur yfirgefinn

átti fáar varnir.

Gekk á vist með vikatelpu;

voru nú allir farnir.

 

Greyin létu gifta sig

í grannkirkjunni nýju,

bnuggu eins og bændafólk

og bættu við sig tíu.

 Með kvæðinu fylgja myndir af pjökkunum 10 og allir eru þeir snjakahvítir og klæddir samfestingum. Allt voða sætt og krúttlegt, en nú er spurning hvaða minnihlutahóp er verið að níða með þessum vísum. Óskað er eftir uppástungum.

 

Gæti þetta hafa gerst með þessum hætti?

Krumpaður og eldgamall karl gengur inn í Kaþólsku kirkjuna og segir
við einkaritara klerksins: Ég vil ganga í þessa helvítis kirkju.

Einkaritarinn sem er kona er bæði forviða og hneyksluð á orðbragði
mannsins: Fyrirgefðu herra, ég hlýt að hafa misskilið þig. Hvað
sagðirðu?

Hlustaðu á mig andskotinn hafi það, gólar karlinn. Ég sagði að ég
vildi ganga í þessa helvítis kirkju.

Mér þykir það leitt maður minn, en svona orðbragð verður ekki liðið
hér í þessari kirkju. Og einkaritarinn stormar inn á skrifstofu
klerksins til að láta hann vita af ástandinu.

Klerkurinn er hjartanlega sammála einkaritaranum sínum. Hún á alls
ekki að þurfa að sitja undir svona hræðilegu orðbragði. Þau ganga
saman fram aftur og presturinn spyr gamla karlfauskinn:

Herra minn, hvert er vandamálið?

Það er ekkert fjandans vandamál, segir karlinn, sýnu skapverri en
áður. Ég bara vann 200 milljónir í helvítis lottóinu og ég vil ganga í
þessa helvítis kirkju til að losna við eitthvað af þessum helvítis
peningum.

Ég skil sagði klerkur rólega. Og er þessi kerlingartík hér að valda
þér vandræðum?

Blair tekur kaþólska trú

Er kvenremban svo heilög á Íslandi að ekki megi skopast með hana?

Þessa grein rakst ég á, á dv.is:

Smásaga eftir skáldin Megas og Þórunni Erlu-Valdimarsdóttur, þar sem skopast er að kvennafrídeginum, fæst hvergi útgefin.  Í viðtali við Menningu, fylgirit  Fréttablaðsins, í dag segir Þórunn að enn sé „kvenremban svo heilög á Íslandi að ekki megi skopast með hana“.

Orðrétt segir Þórunn: „Þessar konur ofsóttu á sínum tíma gamla ídealið, venjulegt fólk, fallegar ofurkvenlegar lítilþægar, ofurskreyttar og þjónustusamar konur og ofurkarlmenn sem voru svona Clint Eastwood týpur og ferlega frekir alfaapar ... svo má ekki skopast með þær. Það er eitthvað að þegar má einu sinni gera grín. Það á að gera grín að öllu, það er eina leiðin til að þola álagið sem fylgir mannlífinu og menningunni“.

Við erum öll að verða svo há-heilög, er það ekki?

Kvíðinn óþarfur...

...það voru margir sem töldu það vera mistök hjá Led Zeppelin að halda endurkomutónleika. En ef marka má ummæli Ólafs Páls, sem aldrei lýgur voru það óþarfa áhyggjur. Ég vona bara að þeir fari á túr og gefi öllum þeim aragrúa fólks sem reyndu en fengu ekki miða á þessa tónleika möguleika á að sjá þá einu sinni enn.

Þá er aldrei að vita nema maður mæti.

Flottasti söngvari rokksögunnar

Sumir verða sárir

Þau tíðindi urðu í gær eða fyrradag að einhver apaði upp síðu Stefáns Friðriks ofurbloggara, kallaði sig Friðrik Stefán, síðan leit út eins og síða Stefáns, spegilmynd af kappanum í höfundarmynd og efnistök svipuð að mér skilst. Þó sá ég aldrei þessa paródíu útgáfu af síðu Stefáns. Eitthvað mislíkaði Stefáni Friðriki þetta grín sem nú er ekki lengur til, en greinilegt er á kommentum hans hjá Jennýju Önnu Baldursdóttur að honum var mjög brugðið og sárindin mikil.

Ég hygg að ef þetta hefði verið gert við mína síðu hefði mér bara fundist það fyndið. Ég vona að það beri ekki vott um lágt sjálfsmat, en í þessu tilfelli hefði þetta í mínum huga bara verið merki um að einhver hefði tekið eftir því sem ég væri að segja og gera og þótt það þess virði að gera grín úr.

Þetta er svona eins  og að komast í Spaugstofuna eða láta Jóa og Simma gera að manni grín. Ef einhver nennir að gera gys að þér þar ertu orðinn áberandi í þjóðfélaginu - þannig er það bara. Það eru margir stjórnmálamenn og framámenn í þjóðfélaginu sem eru fúlir yfir að ekki sé gert grín að þeim, og gleðjast ógurlega um leið og grínið byrjar.

Kannski hefði Stefán Friðrik átt að taka þessu gríni með sama hætti og grínast með það sjálfur í stað þess að fá hjartastopp af bræði yfir húmornum.

 

Ertu skarpari en blómapottur?

Sumir eru það greinilega - aðrir ekki ....

Stal Porsche með aðstoð blómapotts

Eru jólasveinar virkilega til?

Vegna þess að ég kem til með að sjá um morgunútvarpið á Sögu fram að jólum í það minnsta langar mig að fá uppástungur frá ykkur um hvað ykkur finnst eigi að vera í útvarpinu frá kl. 7-9 á morgnana þessar síðustu tvær vikur fyrir jól. Eigum við bara að halda okkur við þetta venjulega tuð eða eiga jólin að vera aðalmálið? Eða bara eitthvað allt annað?

Allar uppástungur eru vel þegnar.... Takk fyrir mig.