Bifreiðasagan

Það væri nú allt í lagi ef þeir sem með lærðum hætti skrifa um bíla þekktu söguna - þó ekki væri nema af afspurn. Suzuki Swift hefur verið á markaði síðan 1983, en hefur auðvitað tekið gríðarlegum stakkaskiptum eins og títt er um bifreiðar. Það er því alger sögufölsun að halda því fram að þessi tegund hafi aðeins verið í framleiðslu síðan 2004. Draumabíll margra ungra manna af minni kynslóð var Suzuki Swift Gti ... svona 88 módel eða svo.

4 milljónir Suzuki Swift

Kem að vörmu spori

- Godot

Bloggfærslan er alfarið á ábyrgð skrifanda en endurspeglar ekki á neinn hátt skoðanir eða afstöðu mbl.is, og Morgunblaðsins.

Yfir 2 þúsund sæti seld til Boston

Þau eru svolítið eins og hjón - samt í hjúskap með öðrum

 

Maður og kona sem höfðu aldrei hist áður, en voru bæði gift öðrum, höfðu verið bókuð í sama lestarklefann á ferðalagi.
Eftir frekar vandræðalega stund og óþægilegar mínútur yfir því að þurfa að deila klefa, voru þau bæði orðin mjög þreytt og sofnuðu.
Hann í efri koju og hún í neðri kojunni.
Um klukkan eitt um nóttina hallaði maðurinn sér yfir kojuna og vakti konuna blíðlega.
Pst...pst.... sagði hann.
Fyrirgefðu  frú að ég sé að trufla þig en viltu vera svo væn að opna
skápinn fyrir mig og rétta mér annað teppi, mér er svo kalt.
Ég hef betri hugmynd, sagði hún.
Hvernig líst þér á að við látum eins og við séum gift - Bara í nótt ?
Jahá - það er frábær hugmynd svaraði hann.
Gott sagði hún: "Farðu þá og náðu í þitt andsk... teppi sjálfur"
Eftir augnabliksþögn rak hann við.

Bloggfærslan er alfarið á ábyrgð skrifanda en endurspeglar ekki á neinn hátt skoðanir eða afstöðu mbl.is, og Morgunblaðsins.

 

	Óska eftir launalækkun
Ábyrgðarmaður færslu Tenging við þessa frétt hefur verið rofin vegna kvartana.

Sumarfríið 2009?

Bloggfærslan er alfarið á ábyrgð skrifanda en endurspeglar ekki á neinn hátt skoðanir eða afstöðu mbl.is, og Morgunblaðsins.

Pólverjar munu lána Íslandi

Er ég paranoid

 

...eða eru "flugatvik" sem þetta að verða algengari en áður var hjá íslenzkum flugfélögum? Einhver sem vit þóttist hafa á sagði mér að áður en "ævintýri" útrásarkónganna hófst hafi íslenzk flugfélög gengið lengra í öryggis- og viðhaldseftirliti en en reglur kröfðust. Hann sagði líka að núna væru breyttir tímar, reglum væri fylgt en ekki meira en það. Ég hef ekki vit á því en miðað við tíðindi síðustu mánaða gæti ég alveg trúað að þetta væri satt.

Spurning um að taka bara rútuna.

Bloggfærslan er alfarið á ábyrgð skrifanda en endurspeglar ekki á neinn hátt skoðanir eða afstöðu mbl.is, og Morgunblaðsins.

Öryggislending í Glasgow

Þarna kom skýringin...

 

..á því að ég fann Selfoss ekki síðast þegar ég ætlaði þangað.

Bloggfærslan er alfarið á ábyrgð skrifanda en endurspeglar ekki á neinn hátt skoðanir eða afstöðu mbl.is, og Morgunblaðsins.

Selfoss færðist í skjálftanum

Mig langar meira til London

 

Ég hef nefnilega alltaf klikkað á að skoða Covent Garden. Kannski maður ætti samt að kíkja til Kúbu, áður en allt breytist þar endanlega. Þó svo að það sé auðvitað þjóðþrifaverk að færa mannréttindi þar til sæmilega eðlilegs horfs. 

En það væri gaman, einhvern tíma áður en ég verð of gamall að komast í siglingu um Karíbahaf, það held ég að hljóti að vera ævintýri sem seint gleymist.

Nú eða bara fara í fjallakofa, fjarri heimsins glaumi.

 

Bloggfærslan er alfarið á ábyrgð skrifanda en endurspeglar ekki á neinn hátt skoðanir eða afstöðu mbl.is, og Morgunblaðsins.

Veðrið ekki sem verst í Havana

Yndislegt laugardagskvöld

 

Á laugardagskvöldið gistum við hjá þeim öndvegishjónum Bryndísi og Ragnari sem reka Hótel Keili í Reykjanesbæ. Þetta er rosalega huggulegt hótel í hjarta bæjarins sem þau byggðu upp í sveita síns andlits. Herbergið var mjög notalegt með fallegu sjávarútsýni, það er yndislegt að láta sjávarniðinn svæfa sig. Þau hjón tóku afskaplega vel á móti okkur, sýndu okkur hótelið og sögðu okkur sögur af því þegar þau voru að koma húsinu í stand. Ragnar er hárskeri og hann hljóp til strax eftir að hann hafði klippt keflvíska kolla og mokaði innan úr húsinu í 3-4 tíma áður en hann fór heim og í sturtu, lagði sig í nokkra klukkutíma og svo áfram sama rútínan.

Við snæddum kvöldverð á stað við hlið hótelsins sem heitir Thai Keflavík og að öðrum slíkum stöðum ólöstuðum var þetta með betri thailenskum stöðum sem ég hef prófað. Magnús, sonur eigandans snerist í kringum okkur og við leyfðum honum að koma okkur á óvart með aðalréttina. Sem hann gerði á mjög jákvæðan hátt. Þessi staður, Thai Keflavík er notalega innréttaður og blessunarlega laus við niðursoðna Asíutónlist sem oft einkennir svoleiðis staði, maturinn góður og þjónustan til fyrirmyndar. Mæli með honum fyrir þá sem eiga leið til Keflavíkur.

 

Morgunverðurinn var gómsætur og notalegt að fylgjast með hótelstjóranum útbúa hann ofan í okkur. Ég held ég hafi fengi besta kaffi sem ég hef smakkað þarna á Hótel Keili og ég þarf einhvers staðar að ná í brauðið sem Ragnar bauð upp á.

 

Eftir að við kvöddum hjónin með virktum fórum við hringinn í Sandgerði og Garð. Í Sandgerði voru einhvers konar hátíðahöld í gangi; allar götur skreyttar í bak og fyrir á mjög frumlegan hátt. Mismunandi litir réðu ríkjum eftir götum, ein var gul, önnur rauð og svo framvegis.  Reykjanesið var mjög fallegt í gærmorgun, skartaði sínu fegursta í haustsólinni. Ég held að fólk ætti að fara þangað oftar og í öðrum tilgangi en að skjótast bara út á flugvöll, þarna er margt að sjá, fagurt fuglalíf og náttúra sem á engan sinn líka.

Svo er fólkið þarna svo dæmalaust næs.

Bloggfærslan er alfarið á ábyrgð skrifanda en endurspeglar ekki á neinn hátt skoðanir eða afstöðu mbl.is, og Morgunblaðsins.

Saga úr sveitinni

Siggi, pabbi vinar míns, sá sumarbústað auglýstan til sölu og sá sem veitti upplýsingar í síma sagði að þetta væri ágætis bústaður. Málið vandaðist hins vegar þegar Siggi spurði hvort það væri verönd við bústaðinn.
-Verönd, hvað er það?
Það er svona pallur þar sem maður getur setið úti og borðað.
-Nei, það er ekkert svoleiðis.
En salernisaðstaða?
-Það er fínasti kamar rétt hjá.
En ekkert klósett inni?
-Nei.
Þá heyrðist húsfreyjan spyrja í bakgrunni hver væri í símanum.
-Æ, þetta er einhver kall að sunnan sem vill éta úti en kúka inni.

Bloggfærslan er alfarið á ábyrgð skrifanda en endurspeglar ekki á neinn hátt skoðanir eða afstöðu mbl.is, og Morgunblaðsins.

Gæsaveiðitímabilið að hefjast

Veðrið minnir á Barcelona

Það er dásamlegt veður í höfuðborginni í dag. Það minnir mig á mína uppáhaldsborg, Barcelona. Hér blæs heitur vindur og sólin skín í gegnum þunna skýjahulu. Undursamlegt.

 

Bloggfærslan er alfarið á ábyrgð skrifanda en endurspeglar ekki á neinn hátt skoðanir eða afstöðu mbl.is, og Morgunblaðsins.