Hvaða tegund er þetta pakk?

Enn ræðst ritskoðunarpúkinn sem býr í iðrum mbl.is af alefli til atlögu, nú verður fyrir bloggvinur minn og frændi Jakobi J. Jónsson www.jakob.blog.is. Að þessu sinni er glæpur bloggarans að kalla reku spaða. Eða eitthvað í þá áttina. Hann var skammaður fyrir og skipað að eyða athugasemdum sem hann hafði fengið og reyndar skrifað sjálfur, um færslu sem hann hafði gert um blökkumenn. Í færslunni sýndist mér hann vera að gera tvennt; að vitna í staðreyndir, tölfræði um hlutfall glæpamanna úr röðum þeldökkra, og á hinn bóginn að lýsa sínum skoðunum og upplifun á lífinu á heimaslóðum sínum í Trinidad & Tobago hvar fyrirfinnst mikill suðupottur ýmissa kynþátta.  Hvorugt á nokkurn hátt glæpsamlegt en hugnast greinilega ekki hreintrúuðum í röðum stjórnenda mbl.is og blog.is.

Ætli Jakob hefði fengið samskonar gúmoren á latínu hefði honum dottið í hug að skrifa um Færeyinga eða Svía? Eða Borgfirðinga. Ekki var honum gert að eyða kersknislegri athugasemd við færsluna, þar sem ýjað var að hann bæri í hjarta verulega hægrisinnaðar stjórnmálaskoðanir, nazisma. Hugsanlega skildist athugasemdin ekki því hún var á ensku. Eða kannski er þetta eins og svo oft áður spurningin um Jón og frænda hans sérann sem fá hreint ekki sömu meðferðina. Hvað veit ég?

Bloggfærslan er alfarið á ábyrgð skrifanda en endurspeglar ekki á neinn hátt skoðanir eða afstöðu mbl.is, og Morgunblaðsins.

	Obama hefur forskot
Ábyrgðarmaður færslu Tenging við þessa frétt hefur verið rofin vegna kvartana.

Athugasemdir

[Jakob Jörunds Jónsson, 5.8.2008 kl. 22:39]

Passaðu þig frændi, þú gætir fengið aðvörun frá Moggamafíunni!

[Sigurhjörtur Freyr (IP-tala skráð) 5.8.2008 kl. 22:51]

Eiginkona stærsta eiganda Mogga var áður gift nasista eins og lesa má um hér: http://skessa.blog.is/blog/skessa/entry/601896/

Á því heimili er kannski engin skömm að vera að kallaður nasisti, kannski bara "pointing out the bloody obvious"

[Markús frá Djúpalæk, 5.8.2008 kl. 22:55]

Sæll frændi, ég lifi þá með því .

[Markús frá Djúpalæk, 5.8.2008 kl. 23:54]

Sigurhjörtur Freyr, ég þarf ekki að vera sammála öllu sem ég les, en ég er tilbúinn að verja rétt fólks til að tjá sig, af öllu mínu afli.