The tide is high

Hér er hljómsveitin Blondie með lagið The tide is high frá árinu 1980. Lagið kom fyrst út með hljómsveitinni The Paragons frá Jamaíka árið 1967 og er samið af John Holt söngvara sveitarinnar. Lagið varð vinsælt meðal ákveðinna hópa innflytjenda á Bretlandi þegar það kom út árið 1971. Fáir aðrir tóku eftir því fyrr en Blondie tók það upp á sína arma árið 1980 eins og fyrr sagði. Í þeirra flutningi varð það gríðarvinsælt og er orðið klassískt popplag í dag.

Aðrir sem hafa gert lagið vinsælt í eigin meðförum eru leikkonan Billie Piper, þekktust úr Dr. Who og þáttunum um glaðbeittu gleðikonuna Belle de Jour, og Atomic Kitten sem komu The tide is high á topp brezka vinsældalistans árið 2002. Minni spámenn sem hafa gefið út þetta ágæta lag eru Sinitta, Top of the poppers og Nydia Rojas sem gaf út spænska útgáfu nefnda La numero uno.

Upprunalega útgáfan með The Paragons verður flutt í laugardagsþætti Útvarps Sögu milli kl. 13 og 16 í dag 2.ágúst.

Bloggfærslan er alfarið á ábyrgð skrifanda en endurspeglar ekki á neinn hátt skoðanir eða afstöðu mbl.is, og Morgunblaðsins.

 

„Brosin eru óteljandi“

Athugasemdir

[Sporðdrekinn, 2.8.2008 kl. 15:11]

Ég bjóst við meira svona "Bob Marley, reggae" og varð því hissa þegar að ég heyrði, The Paragons flytjalagið The tide is high.

[Markús frá Djúpalæk, 2.8.2008 kl. 18:54]

Já, þetta er pínu svona gamaldags. Samt skemmtilegt. Fannst þér það ekki líka Sporðdreki litli?

[Sporðdrekinn, 3.8.2008 kl. 00:32]

Jú

[Sporðdrekinn, 3.8.2008 kl. 00:34]

Úps, veit ekki af hverju það kom bara "Jú" Ætlaði að segja:

Jú þetta er skemmtilegt  en ég er nú samt hrifnari af reggae

[Helga Guðrún Eiríksdóttir, 3.8.2008 kl. 01:19]

Ég er sammála sporðdrekanum... það er eitthvað við reggíið sem er ekki alveg hægt að festa fingur á... en er samt svo mikið flottast einhvern vegin... :) *Knús áðig og alltumkring Krúsidúlla

[Helga Guðrún Eiríksdóttir, 3.8.2008 kl. 01:32]

-Sagði ég vegin...? meinandi veginn..? eða veiinn... eða veijinn..? ;) oh well .. we´ll all live.. hopefully ;) *bjánablikk ógó ljóskulegt

[Sporðdrekinn, 3.8.2008 kl. 03:45]

Okkur gengur ekkert ert allt of vel að tjá okkur hér á þessari síðu Helga G.E. ætli Markús hafi þessi áhrif á okkur

[Helga Guðrún Eiríksdóttir, 3.8.2008 kl. 05:40]

Sennilega. Sagði svo ekki máltækið: Enginn veit hvað misst hefur fyrr en átt hefur.. eða eitthvað þessháttar..? Það á örugglega við um íslenskuna líka.

[Sporðdrekinn, 3.8.2008 kl. 18:03]

Jú mikið rétt, maður þarf að passa sig á að missa hana ekki. Íslenskan er jú ein af elstu málum heims sem enn er í notkun og hefur haldið sér svo til óbreyttri.

[Eiríkur Harðarson, 4.8.2008 kl. 17:07]

Markús alveg er ég STÓRhneykslaður á þér að vera að blanda einhverri gleðikonu í þessa færslu, passaðu þig á því að feministaþurrkunturnar fari nú ekki að leggja þig í einelti. Þó forsagan segi að textinn sé vafinn inní einhverja mynd um glaðbeitta GLEÐIKONU, þá mun þetta eflaust kalla yfir þig ævarandi fordæmingu hjá áðurnefnum femmaþurrkum.

Annars er þetta fínt lag takk æðislega fyrir þetta blogg.