Stundum nennir maður engu nema bulli

Það var í kjötborðinu í Hrísalundi á Akureyri, að þangað kom gömul kona sem við skulum kalla Viggu. Í kjötborðinu var við afgreiðslu strákur sem við skulum kalla Pétur.

Pétur var ansi fljótur að hugsa og snöggur til svars.

Vigga gamla snýr sér að Pétri og segir: Áttu ferskan Móa kjúkling strákur ?

Pétur sem ekki er viss um ættfræði kjúklinganna í kjötborðinu tekur upp kjúkling brosandi og sýnir Viggu gömlu og segir það gæti nú verið að þessi væri frá Móum.

Vigga gamla segir snúðu afturendanum að mér svo ég geti athugað málið. Forvitinn gerir Pétur það sem Vigga gamla biður hann um, og Vigga gamla lyftir upp afturendanum á kjúklingnum,treður hendinni inn gramsar smá stund og segir svo : Nei þetta er EKKI Móakjúklingur ! Þessi er frá Ísfugli !

Það hlýtur að vera til Móakjúklingur, viltu athuga hvort hann sé ekki fyrir innan?

Pétur gerir eins og Vigga gamla segir og nær í annan kjúkling fyrir innan og kemur með hann fram.

Vigga gamla leikur sama leikinn við þann kjúkling og fyrri kjúklinginn. Hnussar og biður strák að athuga hvort það sé örugglega ekki til Móakjúklingur fyrir innan.

Pétur gerir það og allt við það sama, gamla gramsar í afturendanum og hnussar.

Pétur furðar sig á þessu hjá kerlingunni , og þar sem það er byrjuð að myndast röð af kúnnum og eintómt vesen á kerlingunni , segir strákur : Geturðu ekki bara tekið þennan? Skiptir nokkru hvaðan þeir eru ?

Kerling hvessir augun á Pétur og segir höstuglega : Hvurslags er þetta strákur, hverra manna ert þú eiginlega ?

Strákur var fljótur til, snýr afturendanum í Viggu gömlu og segir viltu ekki bara athuga það líka !! ?????

Athugasemdir

[Helga Guðrún Eiríksdóttir, 12.3.2008 kl. 14:56]

Ragnar Reykás hefði sagt að það væri skítalykt af málinu.

Ps. Valdirðu sjálfur kynningarlagið þitt, eða stóð SGT bak við þig með hlaðna byssu?

[Markús frá Djúpalæk, 12.3.2008 kl. 15:36]

Finnst þér kynningarlagið ógeðslegt? Ég er með annað síðdegis

[Helga Guðrún Eiríksdóttir, 12.3.2008 kl. 15:43]

Þetta með strengjakvartettinum. Og svo kemur Gunnar tæknimaður með valda byssukúlu... og að endingu kemur auglýsing frá bagarameissdaranum og tekur í gikkinn.

[Helga Guðrún Eiríksdóttir, 12.3.2008 kl. 15:44]

-Er þetta einhver svona hlaða-miða-skjóta stefna hjá fyrirtækinu?

[Markús frá Djúpalæk, 12.3.2008 kl. 16:08]

Hehe - þú drepur mig. Samt mjúklega. Ég reyni nú að vera á 20. og 21. öld í öðru lagavali samt

[Helga Guðrún Eiríksdóttir, 12.3.2008 kl. 18:17]

Killing me softly hljómar blíðlega.

[Markús frá Djúpalæk, 12.3.2008 kl. 18:52]

Afskaplega. En ... samt.

[Sporðdrekinn, 12.3.2008 kl. 19:23]

[Brynja Hjaltadóttir, 12.3.2008 kl. 20:38]