Vitfirringur - eða þegar ég lenti í löggunni

Lögreglan stöðvaði mig einu sinni í reglulegu eftirliti og af einhverjum ástæðum skoðuðu verðir laganna bæði mig og bílinn mjög vel. Eftir að skoðunnni lauk og ég stóð skömmustulegur fyrir framan þá sagði annar lögreglumannanna:

- Ég sé að hraðamælirinn er bilaður í skrjóðnum. Af hverju læturðu ekki gera við hann?

- Það er óþarfi. Ég veit alveg hvað ég ek hratt!

- Nú hvernig þá? Spurði þá lögreglumaðurinn og var greinilega ekki skemmt.

- Jú sjáðu, þegar ég keyri á fjörtíu þá skröltir í stuðaranum, á sextíu fara rúðurnar að skrölta og þegar ég ek á áttatíu þá skrölti ég.

Tekinn á 150 km hraða

Athugasemdir

[Helga Guðrún Eiríksdóttir, 12.4.2008 kl. 13:05]

Og þú hefur náttúrlega staðið þarna skíthræddur og skjálfandi?

[Beturvitringur, 12.4.2008 kl. 13:28]

Átti einu sinni citroen bragga. Hlakkaði alltaf svo mikið til að ég yrði stoppuð vegna of hraðs aksturs. Ætlaði nefnilega að bjóða lögreglunni að reyna að koma honum upp í ólöglegan hraða, - ef þeir gætu. Varð aldrei af því.

[Markús frá Djúpalæk, 12.4.2008 kl. 13:38]

Hehe Helga - nei ég var allsgáður og akandi. Beturvitringur, það má alveg koma Bragga hratt áfram, ég sá það í James Bond mynd

[Beturvitringur, 12.4.2008 kl. 20:45]

Já, hann komst miklu hraðar niður í móti og hefði komist enn hraðar ef James Bond hefði verið með mér þessi skipti.

[Markús frá Djúpalæk, 12.4.2008 kl. 21:32]

Bíddu, ertu að segja að James Bond hafi ekki látið sjá sig þegar mest þurfti á að halda?

[Eiríkur Harðarson, 12.4.2008 kl. 23:53]

Þessi lýsing Markús á virkilega vel við mína lýsingu, þarna um árið þegar ég tók mig til og ók mínum bíl til Rek. Lýsingar þínar á hraðamælingunni"þrátt fyrir að mælirinn hafi verið ónýtur"Hefðu átt vel við mína útlistun á niðurleið skíðaskálabrekkunnar.

[Markús frá Djúpalæk, 13.4.2008 kl. 00:16]