Alveg nóg!

Satt að segja hef ég aldrei skilið þetta húllumhæ í kringum Coldplay. Mér finnst tónlistin þeirra í besta falli léttúðugt froðurokk sem reynir að kreista fram einhverja gríðarlega alvöru með gersamlega mislukkuðum hætti. Mér finnst ég hafa heyrt öll lögin þeirra þegar ég hef heyrt eitt. Kannski getur einhver sagt mér hvað er svona merkilegt við þessa hljómsveit, ég næ því ekki með því að hlusta á tónlistina hennar.  Ergo, níu Coldplay lög til viðbótar skipta mig engu máli, en þeim tekst örugglega að plata útvarpsstöðvar til að spila megnið af þeim og kynna hvert og eitt sem glænýtt meistaraverk.

Einungis níu lög á væntanlegri plötu Coldplay

Vægast sagt algerlega ónauðsynlegar upplýsingar

1. Rottur geta lifað lengur án vatns en kameldýr.

2. Ef þú lætur rúsínu detta í fullt kampavínsglas fer hún upp og niður með loftbólunum í glasinu.


3. Andagarg bergmálar ekki - enginn skilur af hverju.

4. Í hestvagnaatriðinu í Ben Hur sést lítill rauður bíll í fjarska (Og Charlton Heston er með armbandsúr).

5. Að meðaltali eru 12 nýfædd börn á dag afhent röngum foreldrum...það útskýrir ýmislegt...

6. Andrés Önd var bannaður í Finnlandi, því hann er ekki í buxum.

7. Vegna þess hve mikil þörf var á málmi út af stríðsrekstrinum voru Óskarsverðlaunastyttur þeirra ára gerðar úr tré.

8. Nafnið Wendy var búið til fyrir söguna um Pétur Pan, það hafði engin kona verið skírð því nafni áður.

9. Fyrsta sprengjan sem bandamenn vörpuðu á Berlín varð eina fílnum í Berlínardýragarðinum að aldurtila.

10. Fyrsti geisladiskurinn sem var framleiddur í Bandaríkjnum var "Born in the USA" með Bruce Springsteen.

11. Charlie Chaplin lenti einu sinni í þriðja sæti í keppni um hver gæti líkst Chaplin mest.

12.Ef þú tyggur tyggigúmmí meðan þú sneiðir niður lauk, tárastu ekki.

13. Sherlock Holmes sagði aldrei "Elementary, my dear Watson."

14. Heimsmetabók Guinness er sú bók sem oftast er stolið af bókasöfnum.

15. Geimfarar mega ekki borða baunir áður en þeir íklæðast geimbúningum sínum því það getur skemmt þá að prumpa í þá.

16. Leðurblökur beygja alltaf til vinstri þegar þær fljúga út úr hellum.

Júdas hjá Vodafone

Ekki að sökum að spyrja.

En þeir, sem skoðað hafa auglýsingu símans með þeim Jesú og Júdasi í aðalhlutverkum ramma fyrir ramma, staðhæfa að líka megi sjá að það er ekki aðeins Júdas sem er með síma frá Vodafone heldur Jesú líka. Þeir sem skoðað hafa þetta af kostgæfni og með vönduðum tækjum, fullyrða að þannig sé þetta.

Ljóst er að tökurnar þar sem símarnir sjást hafa farið fram á Íslandi þrátt fyrir að megnið af auglýsingunni hafi verið tekið upp í Portúgal með portúgölskum leikurum. Hér heima virðist hafa verið notast við Vodafone síma þótt verið væri að taka upp auglýsingu fyrir helsta keppinautinn, Símann.

Fregnir herma að Síminn hafi tekið auglýsinguna úr spilun, og gleðjast nú þeir sem hafa talið hana guðlast og til skammar.

Spennandi!

Þessi hljómsveit er einfaldlega ein sú besta sem orðið hefur til í veröldinni. Að því leyti er hér um að ræða mikið tilhlökkunarefni fyrir aðdáendur hennar. Á móti kemur að svona endurkomur, eins og t.d. endurkoma Bítlanna árið 1995 geta verið skelfilegar. Þá er betra að muna hljómsveitirnar eins og þær voru, en ekki í einhverri vanhugsaðri og hræðilegri endurkomu. Spennandi er þetta samt sem áður enda snillingar á ferð.

Led Zeppelin boðar til blaðamannafundar

Hálf kærulaust

Að vera að gefa svona stórar yfirlýsingar sem valda því að heimsbyggðin hleypur upp til handa og fóta við að dæma foreldrana seka. Á staðnum. Á stundinni. Umsvifalaust og án frekari umhugsunar. Lærum við ekki af Lúkasi?

Lögregla segir ekki fullvíst að erfðaefni sé úr Madeleine

Sennilega kuldalegt að fá hana á brjóstið

Forseti Íslands, Ólafur Ragnar Grímsson, sæmdi tvo prófessora við háskólann í Leeds riddarakrossi ísleku fálkaorðunnar ...

Forseti Íslands sæmir tvo prófessora riddarakrossi

Hvað í ósköpunum?

Ég ætla að leyfa mér halda áfram að trúa á gæsku manneskjunnar og vona og biðja að foreldrar Madeleine hafi ekkert með hvarf hennar að gera. Þessar vísbendingar eru samt skelfilegar.

Portúgalska lögreglan segir DNA-sýni afdráttarlaus

Forspá?

Ég ætla í sjálfu sér ekki að hafa neina skoðun á því sem segir í þessarri frétt, en um helgina kíkti ég á gamla mynd, Johnny English, með Rowan Atkinson í hlutverki samnefnds álappalegs njósnara. Kannski ekkert svo gömul mynd, frá 2003 eða svo. Nema hvað. Í hlutverki forsætisráðherra breta var maður sem var mun líkari Gordon Brown en forvera hans Tony Blair. Merkilegt ekki satt? Svona geta kvikmyndagerðarmenn verið forspáir.

Gordon Brown leggst gegn því að hækka laun opinberra starfsmanna

Vá hvað rigningin er blaut

Ég vona að þessi rosalega bleyta sem skellur á mönnum á Laugardalsvelli verði Íslendingum til framdráttar. Ekki veitir okkkur af. En ég er sannfærður um að strákarnir gera sitt besta og ná vonandi að kreista út eitt stig. Jafnvel þrjú. Nú ef við töpum má ekki gleyma því að spánverjar eiga nú barasta eitt bezta fótboltalið veraldarinnar. Það er svosum engin skömm af að tapa fyrir svoleiðis liði.

Go boys!!!

 

Íslendingar og Spánverjar skildu jafnir, 1:1

Pirringur er þetta...

..bæði í nágrannanum sem amast við tónlist í bíl, og Foxy sem slær hann utanundir með farsímanum sínum. Vonum bara að þetta hafi ekki verið gamall Motorola hlunkur frá 1997. Þá hefði nágranninn stórslasast.

 

Foxy Brown dæmd í árs fangelsi