Brá svakalega

Enda hélt ég að hér væri á ferðinni frétt um að Birnu borgarstjóra hefði verið orðið nóg boðið um allt skokkið á fólki umhverfis Ráðhúsið... hvað veit maður?

 

Bloggfærslan er alfarið á ábyrgð skrifara...

 

Birna beit skokkara

Veldur Pepsi Max ofskynjunum?

Ég hef séð nokkrar sjónvarpsauglýsingar um ropvatnið Pepsi Max, þar sem ungir menn eru í þann mund að framkvæma fífldirfskulegar æfingar sem ég mæli ekki með að nokkur maður reyni heima hjá sér. Rétt í þann mund sem ofurhugarnir eru að guggna á öllu hafaríinu heimta þeir Pepsi Max að drekka, þamba úr dósinni sem þeim er rétt og verða samstundis fyrir ótrúlegum ofskynjunum; sjá rómverska riddara, hnefaleikakappa og ég veit ekki hvað. Það er ekki nóg með að þeir sjái, heldur tala ofskynjanirnar til þeirra, sem er auðvitað háalvarlegt mál. Ofskynjanir þessar valda því að ofurhuginn lætur skeika að sköpuðu og lætur vaða. Með ófyrirséðum afleiðingum.

Það er næsta víst að Pepsi Max er stórhættulegt ofskynjunarlyf sem enginn ætti að neyta. Ef marka má auglýsingarnar um það að minnsta kosti.

Bloggfærslan er alfarið ábyrgð þess sem hana skrifar og það eru ofskynjanir af þinni hálfu ef þú heldur að einhver annar eigi að bera ábyrgð á henni. Allra síst ber Mogginn eða Moggabloggið ábyrgð á þessu bulli.

Það sem ekki má gerast!

Fimm mannætur fengu vinnu í verðbréfafyrirtæki. Þegar forstjórinn tók á móti þeim sagði hann “Þið eruð núna hluti af liðsheild okkar. Hér getið þið haft góð laun og fengið að borða í matsalnum. Þess vegna langar mig að biðja ykkur að láta starfsfólkið í friði.” Mannæturnar lofuðu öllu fögru.
Fjórum vikum seinna kom forstjórinn og sagði “Þið eruð allir mjög duglegir við vinnu ykkar og ég er mjög ánægður með hvernig þið hafið leyst ykkar verk af hendi. Það eina er að einn af húsvörðunum er horfinn. Vitið þið nokkuð um það?”

Mannæturnar hristu höfuðið og sögðust ekkert vita um hann.
Þegar forstjórinn var farinn sagði foringi mannætanna “Jæja, hver ykkar át húsvörðinn?” Einn hinna rétti hikandi upp höndina. Foringinn sagði við hann “Helvítis asni geturðu verið. Í fjórar vikur erum við búnir að éta hópstjóra, verkstjóra, verkefnisstjóra og deildarstjóra og enginn hefur tekið eftir neinu og þá! Þarft þú að fara að éta húsvörð !!!

Bloggfærslan er alfarið á ábyrgð skrifanda en endurspeglar ekki á neinn hátt skoðanir eða afstöðu mbl.is, og Morgunblaðsins.

 

Fréttaskýring: WaMu gleyptur í stærsta bankaþroti Bandaríkjanna

Alveg þessu ótengt...

 

...en þó ekki. Hefur fólk ekki séð skrímslið sem búið er að reisa að baki Naustins? Hreinasti viðbjóður!Ég skil ekki af mínu litla viti, hvernig svona stórslys geta átt sér stað æ ofan í æ í höfuðborginni okkar. Meðferðin á Nausthúsinu og reyndar fleiri húsum er líka sorglegt dæmi.

 

Og ..meðferðin á starfsfólkinu er auðvitað líka afskaplega dapurleg. Það var eitthvað verið að fjalla um þennan stað fyrir einhverjum mánuðum eða kannski ári, þegar starfsmaður eða -menn komu fram og kvörtuðu undan illri fjárhagslegri meðferð á sér. Hefði það ekki átt að klingja einhverjum bjöllum, og kalla á ríkara eftirlit með þessum stað? Nei, það virðist ekki vera, öll launatengd gjöld skiluðu sér og því sváfu yfirvöld á verðinum.

Er ekki kominn tími til að við verndum raunveruleg verðmæti, og hættum að eltast við vindinn?

Hér er slóð á grein um Naustið, eftir Ingimund Kjarval: http://www.malefnin.com/ib/lofiversion/index.php/t26487.html

Bloggfærslan er alfarið á ábyrgð skrifanda en endurspeglar ekki á neinn hátt skoðanir eða afstöðu mbl.is, og Morgunblaðsins.

Kínverjarnir farnir úr landi

Fáránlegt...

...að gefa manni sem á rúmlega allt eina bíldruslu í viðbót. Fyrir kostnaðinn hefði verið hægt að gera margt skynsamlegra og vekja jafnframt athygli á umhverfisvernd. Bjánagangur. Fíflagangur. Og hræsni.

 

Bloggfærslan er alfarið á ábyrgð skrifanda en endurspeglar ekki á neinn hátt skoðanir eða afstöðu mbl.is, og Morgunblaðsins.

Umhverfisvænn bíll fluttur með þotu

Það eru til misútsmognir þjófar

Þessi saga gerist á þeim fátæklegu tímum þegar laugardagar voru ekki nammidagar og gos var ekki á borðum nema á stórhátíðum. Þannig var því líka farið með Makkintoss konfektið góða. Fjölskylda ein hafði fjárfest í heljarstórri dós af þessháttar gúmmilaði en vegna þess að sælgæti átti eingöngu að hafa á borðum um Jól var ákveðið að koma dósinni í tryggilega geymslu í skáp einum þar sem engin hætta var talin á að fjölskyldumeðlimir myndu ásælast innihaldið. Í þá daga. og kannski enn, var dósinni pakkað í plast þannig að ekki þótti líklegt að nokkur reyndi að ná sér í mola, því ummerki sæjust umsvifalaust.

Nokkrum dögum fyrir jól stóð húsfreyja í bakstri og fann hvergi dósaopnarann sinn, hann var svo gersamlega horfinn að hún neyddist til að kaupa nýjan til að geta opnað þær dósir sem hún þurfti við baksturinn. Nú, jólabaksturinn tókst ljómandi vel, svo og jólaundirbúningur allur. Á aðfangadagskvöld átti síðan að gæða sér á eplum og appelsínum og að sjálfsögðu Makkintossinu úr dósinni góðu í skápnum.  Þegar hún var sótt, reyndist hún öllu léttari en þegar hún var keypt og um leið og henni var kippt út úr skápnum datt úr henni botninn og.... dósaupptakarinn með.

Yngsti fjölskyldumeðlimurinn, mikill sælgætisgrís, hafði á haustdögum fundið út þessa útsmognu aðferð við að ná sér í mola og mola úr dósinni... en þeir urðu bara svo óskaplega margir að dósin var sama og tóm á að fangadagskvöld.

Bloggfærslan er alfarið á ábyrgð skrifanda en endurspeglar ekki á neinn hátt skoðanir eða afstöðu mbl.is, og Morgunblaðsins.

Miklu fé stolið úr hraðbönkum á höfuðborgarsvæðinu

Eins gott...

...að enginn var að laumast í skápinn til að fá sér nætursnarl. Ég segi nú ekki annað.

Bloggfærslan er alfarið á ábyrgð skrifanda en endurspeglar ekki á neinn hátt skoðanir eða afstöðu mbl.is, og Morgunblaðsins.

Ísskápurinn sprakk í tætlur

Olís stendur sig vel

Það var óvenju góð sala á eggjum á bensínstöð Olís í Norðlingaholti nú áðan, en mótmælendur tóku upp á því í mótmælunum að grýta eggjum í lögreglu

Mótmælin virtust stjórnlaus

Græðgin...

...getur komið fólki í hin mestu vandræði. Vonandi láta einhverjir örlög þessa manns sér að kenningu verða...

Gleypti 63 smokka með eiturlyfjum

Nú er ég hissa

Eldri dóttir mín sem er í 10.bekk var að segja mér tíðindi. Í síðustu viku var krökkunum í skólanum víst gefinn flúor. Eitthvað sem ég hélt að væri löngu hætt að gera. Ég hef heyrt þá sem vit þykjast hafa á tala um skaðsemi þess fyrir líkamann að taka inn flúor með þeim hætti sem gert var í skólum um árabil. Nú á ég eftir að ræða við skólastjórnendur og komast að hvað er verið að gera en satt að segja rann mér kalt vatn milli skinns og hörunds við að heyra þetta. Málið verður rannsakað frekar. Meðfylgjandi skopmynd og það sem sagt er um flúor á Wikipediu segir sína sögu:

Flúor (úr latínu fluere, sem þýðir „að flæða“), er frumefni með efnatáknið F og er númer níu í lotukerfinu. Flúor er eitraður, græn-gulur, eingildur og gaskenndur halógen. Það er eitt efnahvarfgjarnast og rafeindadrægst allra frumefnanna. Í hreinu formi er það stórhættulegt og veldur efnabruna við snertingu við húð.