Viðurkennum það bara...

...óhugnanleg hugmynd en í undirmeðvitundinni kviknaði samt sú hugsun að það gæti verið áhugavert að lesa þessa bók. Held ég geri það samt ekki.

Ósmekklegasta bók síðustu ára

Upphitun

Sennilega voru mótmælendur gærdagsins að hita upp fyrir daginn í dag með látunum í gær!

Orrustan um Kaupmannahöfn háð á ný

En

Fyrir utan það ættum við að taka dani okkur til fyrirmyndar og mótmæla öllu ruglinu og bullinu, kröftuglega og þannig að tekið sé eftir! Og mark tekið á!

Auðveldara

Loksins komin hin fullkomna aðferð við handtökur! Það hlýtur að auðvelda störf lögreglunnar að handtaka marga í einu og nota til þess nót. Æ ég bara varð.

Sextíu og þrír voru handteknir í nót í Kaupmannahöfn eftir að mótmælum til minningar um Ungdomshuset í Kaupmannahöfn lauk með ólátum.

Tugir handteknir í óeirðum í Kaupmannahöfn

Mikið rétt

Auðvitað eiga allir að sitja við sama borð - eða standa í sömu biðröð - þegar kemur að innritun í flugvélar og eftirlit á flugvöllum. Ef einhverjar sérreglur, jafnvel vægari ættu að eiga við um þá sem ferðast á Saga class myndu nú þeir sem ætla sér illt um borði í flugvélum vera fljótir að fatta það og notfæra. Það er enginn sem segir að flugræningjar ferðist bara á almennu farrými.

Það er mun vænlegra til árangurs að hægt sé að beita sömu aðferðum við skoðun á öllum flugfarþegum, það gefur augaleið.

Sérstakt öryggishlið fyrir Saga-classfarþega ónauðsynlegt

Endalaust

Höldum við áfram að láta hæðast að okkur! Uppreisn!!!

Eldsneytisverð hækkar

Stórkostlega fyndið

Þetta fékk ég sent og fylgdi sögunni að þetta væri tekið af hinum víðsýna vef Barnalands. Hvort sem það er satt eða logið má hafa af þessu nokkurt gaman. Sé þetta satt vona ég að höfundur bréfsins geti fyrirgefið mér að setja það hér. Sé þetta uppspuni, ja þá er það bara þannig.

Þetta byrjar þannig að kona af barnalandi biður um hjálp við að skrifa orðið "virðingarfyllst" á ensku, en hún er semsagt að skrifa bréf.

Konan sem er hjálparþurfi skrifar:

"Hvernig segir maður "kær kveðja" ...... á ensku sorrý er ekki klár í henni og er að senda út til uk vegna gallaða dótsins "  Hún fær svör,þakkar fyrir sig og skrifar: 
'" Ókei takk æðislega ég er geggjað slöpp í ensku sérstaklega að skrifa hana getiði sagt mér án þess að drulla yfir mig hvort að það sé hægt að skilja eitthvað af þessu bréfi hehe

 

Svo lætur hún bréfið fylgja með:

Hello
i am from Iceland and I don not speak very good English but I am gun a tray
I by a toy in Iceland from fisher price ,,little people,, and dora explorer and this toy are maid in China 2002-2007.
One Dora explorer vas bay in Spain and made 2002 (the small one) and the big one I think in Iceland but I am not sure made 2003.
Are something wrong this toy or?????
What can I do??
Can I talk to some body in Iceland so I can anther stand this better????

I hope you can anther stand what I am writing
And thank you

Respectfully .

XXXXX

Einum notenda á barnalandi.is finnst þetta greinilega jafn fyndið og okkur öllum og ákveður að þýða bréfið hennar beint yfir á íslensku !

'Halló,
Ég er frá Íslandi og ég er mafíuforingi sem talar ekki mjög góða ensku, en ég er byssa á bakka.
Ég er hjá leikfangi á Íslandi frá Fisher Price, litla fólk og Dóra landkönnuður og þetta leikfang er þjónustustúlka í Kína á árunum 2002-2007.
Ein Dóra landkönnuður var strönd á Spáni og náði 2002 (sú litla) og um þá stóru hugsa ég á Íslandi en er ekki viss um að hafi náð 2003.
Eru eitthvað að þessu leikfangi eða?????
Get ég talað við eitthvað lík á Íslandi svo ég geti anther staðið þetta betur?????

Ég vona að þú getir anther staðið það sem ég skrifa

Það þætti nú fínt víðast hvar

Að vera studdur af 8 af hverjum 10 kjósenda. Vonum svo bara að þessi ríkisstjórn verði þeirrar gæfu aðnjótandi að standa sig svo vel að þetta fylgi haldist. Fylgið kemur nefnilega utan frá en ekki innan. Það er eins gott að ríkisstjórnin muni það!

Stuðningur við ríkisstjórnina dalar

Kæruleysi

Hvernig dettur mönnumí hug að geyma eiturefni á svona stað?

SÞ hefja rannsókn á hættulegum efnum sem fundust í New York

Fjör í Reykjanesbæ....

Fólk í þeim bænum kann nú aldeilis að skemmta sér! Ég held það væri nú ráð að bruna suðureftir og taka þátt í gleðskapnum með þeim suðurnesjamönnum.  Ljósalagið í ár er óvenjuflott, og mér finnst snilldarhugmynd að setja stjörnur í gangstéttina til heiðurs valinkunnum borgurum. Það er heimsborgarlegt og flott.

Góða skemmtun allir sem fara á Ljósanótt.

Ljósanótt hafin í Reykjanesbæ