Hef ekki vit á því...

...en væri ekki nær að lækka ofurlaunin hjá toppunum og sjá til þess að þetta fólk haldi tryggð við fyrirtækið með því að gera því kleift að halda vinnunni sinni yfir lágannatímann? Og fyrsti des. af öllum dögum. Geggjað!

Icelandair segir upp tugum flugmanna og flugfreyja

Frábært

..en ég skil dómarann vel. Það þarf hugrekki til að þora að standa á móti svona óþjóðalýð. Ég tek hatt minn ofan fyrir þessum hugdjarfa manni. Það er auðvelt að sitja í stofunni heima og segja að sjálfsögðu eigi hann að kæra. Menn verða að reyna að lenda í svona sjálfir áður en farið er að gera lítið úr því að þurfa að velta fyrir sér hvort kæra eigi eða ekki. Gott hjá þér dómari!

Knattspyrnudómari kærir líkamsárás til lögreglu

Samkeppni

...er það ekki málið? Ætti þá verðið ekki að lækka til neytenda. Eða hvað?

Stefnt að því að breyta OR í hlutafélag

Þetta sýnir bara og sannar...

..að hinn almenni borgari er hættur að skipta sér af öllu, hvort sem það er þjófnaður á ísbirni eða árásir á samborgarana. Verst ef menn í einkennisbúningum er hættir því líka.

Dularfullt ísbjarnarhvarf

Á að færa okkur nær þeim - eða þá niður?

Það varð allt vitlaust, í korter eða svo, fyrir tæpum fjórum árum þegar nýtt eftirlaunafrumvarp þingmanna og ráðherra var samþykkt. Með þeim breytingum náðu þessir tveir hópar eftirlaunaréttindum sem voru margfalt á við það sem gerist meðal almennings. Þjóðfélagið fór reyndar hamförum nokkra stund en svo gerðist eitthvað smælki sem var auðveldara að hafa skoðun á og auðveldara að rífast um og allir gleymdu þessu - að mestu. Málið hefur af og til komið upp í umræðunni en engin breyting orðið á svosem - fyrr en núna - kannski.

En. Í stjórnarsáttmála núverandi ríkisstjórnar eru nefnilega breytingar á eftirlaunum þingismanna og ráðherra boðaðar.  „Eftirlaunakjör alþingismanna og ráðherra verði endurskoðuð og meira samræmi komið á í lífeyrismálum ráðamanna og almennings." Þessu ber að fagna, en spurningin er hvort Austurvallarslektið verður fært niður eða almenningur upp.

Á sínum tíma sagði ástsælasti stjórnmálamaður þjóðarinnar Halldór Ásgrímsson, þáverandi forsætisráðherra, að hann vildi breyta frumvarpinu frá 2003. Hann sagði líka að allir flokkar væru sammála um slíkt. Það gerðist samt auðvitað aldrei neitt. Við hættum að skipta okkur af þessu og allir undu glaðir við sitt.  Þegar Halldór lét af embætti sagði hann að ekki hefði náðst samstaða í forsætisnefnd þingsins um umfang breytinganna, enda ekki við því að búast. Það tekur enginn heilvita maður af sér ofurlaun og ofureftirlaun baráttulaust. Fyrr en núna kannski.

Er núverandi ríkisstjórn ef til vill ekki heilvita?

Konur eru klárar

Ella var á golfæfingu dag einn er hún hitti illa við átjándu holu og golfkúlan lenti beint inni í runna.
Þegar hún ætlaði að fara að skríða eftir henni sá hún hvar lítill  sætur froskur var fastur í gildru , um leið og hún losaði hann sagði froskurinn:
Nú færð þú þrjár óskir uppfylltar en ég verð að segja þér frá því að  það sem þú óskar þér fær maðurinn þinn tífalt meira af. Ella varð mjög glöð og hugsaði með sér að það yrði allt í lagi. Fyrsta ósk hennar var að hún yrði fallegasta kona heims. Froskurinn varaði hana við og sagði henni að þá yrði maðurinn hennar einning fallegasti maður heims. Ella hugsaði með sér að það yrði fínt, hún væri hvort sem er fallegasta konan og að maðurinn hennar hefði ekki augun af henni.

KAZAM..... og hún varð að fallegustu konu heims.
Annarri ósk sinni varði hún í að biðja um að verða ríkasta kona heims. Þá sagði froskurinn : Þá mun maðurinn þinn verða 10 sinnum ríkari en þú.

Ella svaraði : það er allt í lagi , allt hans er mitt og allt mitt er hans.
 

KAZAM..... og hún varð ríkasta kona heims.
Þá sagði froskurinn: Jæja þá áttu aðeins eina ósk eftir, hver er hún?
Ella svaraði: Ég vil fá vægt hjartaáfall.

KONUR ERU KLÁRAR, EKKI ABBAST UPP Á ÞÆR

Að vera með toppstykkið í lagi

er dásamlegt

Að fá 3000 evrur fyrir er ekki ofrausn.

Missti hluta höfuðsins í heilaaðgerð

Viti vonarinnar!

Við vonum að það sem Nelson Mandela þurfti að upplifa meðan hann var í haldi stjórnarinnar í Suður-Afríku þurfi ekki að koma fyrir mjög marga, auðvitað helst engan. En það má samt ekki gleyma því að margir vitar vonar sitja fastir í varðhaldi víða um heim og því miður virðist því oft of lítill gaumur gefinn. Við megum ekki gleyma okkur þó málin komist í farsælan farveg á einum stað því víða eru verkin að vinna.

Stytta af Mandela afhjúpuð í Lundúnum

Hvert stefnum við?

Er Ísland kannski orðið þannig að 10% íbúanna búi við fátækt? Viðmiðið hvað fátækt er hefur líka breyst svo mikið á undanförnum árum og áratugum að einhver sem hefði kannski haft það takk bærilegt árið 1967 jaðraði kannski við að vera fátækur í samanburði við aðra í dag.

Þetta snýst nefnilega allt um samanburð.

Ríflega tíundi hver Bandaríkjamaður býr við fátækt

Hallelúja

Ég ætla bara að vona að öll öryggisgæsla sé í hæsta gæðaflokki þannig að Bleiki Pardusinn endurtaki sig ekki á Íslandi.

Fyrsta demantasýningin á Íslandi