Hverjir taka þetta?

Höfundur

Markús frá Djúpalæk

Hugann læt ég reika dags í draumi
dvelja þar í friði litla stund,
fjarri ölum látum glys og glaumi
grípur vonin, stjörnu minnar lund.

Ef þú vilt gera heiminn betri kíktu þá í spegil og breyttu þar.

markusth@internet.is

Nóv. 2024

S	M	Þ	M	F	F	L
					1	2
3	4	5	6	7	8	9
10	11	12	13	14	15	16
17	18	19	20	21	22	23
24	25	26	27	28	29	30

Fyrri

Næsti

Ég verð alltaf eitthvað svo ógurlega hýr á þessum tíma árs. Þessi vika verður undirlögð í Júró, þriðjudagur, fimmtudagur og laugardagur fara í það að velja á endanum eitt lag, eina þjóð til að halda keppnina að ári. Allan þennan áratug hafa þjóðir sem aldrei hafa sigrað áður, unnið í keppninni. Má þar m.a. nefna Serbíu, Finnland og Grikkland. Í ár eru 43 þjóðir með, fimm öruggar á úrslitakvöldið en tíu komast áfram hvort undanúrslitakvöld. Níu laganna eru valin með hefðbundinni símakosningu en eitt af sérvalinni dómnefnd.

Mig grunar, en hef yfirleitt skuggalega rangt fyrir mér, að Úkraína, Búlgaría og Grikkland muni slást hatrammlega um tólfurnar þetta árið. Ég er að vona að Ísland komist upp úr undankeppninni, bara til að hafa aðeins meiri stemmningu á laugardagskvöldinu. Það eru líka þarna lög sem gætu komið á óvart eins og U Julissi belganna, sjóræningasöngurinn frá Lettlandi og jafnvel franska lagið sem leikið er á hljómborðið sem flytjandinn, Sebastian Tellier fékk í fermingargjöf. Brandarinn um hljómborðið heyrðist fyrst í Eurovision þættinum á Útvarpi Sögu síðasta þriðjudag, en var endurtekinn í þætti Páls Óskars í sjónvarpinu á laugardagskvöldið, þannig að ekki væna mig um að stela bröndurum . En kannski gæti "fyrstaskiptis"sigurvegurunum sem einkennt hafa 21.öldina haldið áfram að fjölga, og land eins og Portúgal óvænt stolið senunni.

En ekki stríða mér mjög mikið ef þetta reynist svo allt bull í mér. Að lokum vil ég minna á Eurovison þáttinn okkar Sverris Júlíussonar á morgun þriðjudag á Útvarpi Sögu kl. 16 til 18.

Bloggfærslan er alfarið á ábyrgð skrifanda en endurspeglar ekki á neinn hátt skoðanir eða afstöðu mbl.is, og Morgunblaðsins.