Dalai Lama

Dalai Lama er heiti aðalleiðtoga lamasiðar, helstu gerðar búddisma í Tíbet. Dalai Lama voru einnig valdamestu stjórnmálaleiðtogar Tíbet frá því á 17. öld fram til ársins 1951 er Kínverjar hertóku Tíbet.

Núverandi Dalai Lama er Tenzin Gyatzo en hann er í útlegð. Hann fæddist 6.júlí 1935 í norð-austur Tíbet og er fjórtánda endurholdgun Dalai Lama,  þjóðhöfðingi og andlegur leiðtogi Tíbeta. Dalai Lama hefur búið á Indlandi síðan hann flúði þangað 1959. Árið 1989 hlaut Dalai Lama friðarverðlaun Nóbels fyrir að stuðla að friðsamlegri baráttu Tíbeta gegn hernámi Kína á landi þeirra, en Dalai Lama hefur ávallt neitað að beita ofbeldi í baráttunni fyrir bættum hag landa sinna og frelsun Tíbet.

Athugasemdir

[Sporðdrekinn, 10.4.2008 kl. 13:08]

Mig hefur alltaf langað til að hitta þennan mann.

[Úlla (IP-tala skráð) 10.4.2008 kl. 23:36]

Mig langar líka að hitta þennan snilling. Mæli með viðtalsbók við hann, minnir að hún heiti Leiðin til lífshamingju. Speki þeirra er Tíbetmanna er algjör snilld og ef ég mun taka upp einhverja trú þá verður það Búddatrú.

[Helga Guðrún Eiríksdóttir, 11.4.2008 kl. 08:26]

Ætli Kínverjar kalli hann Lamadýrið...? 

[Markús frá Djúpalæk, 11.4.2008 kl. 10:24]

Eigum við ekki bara að vona að honum takist að lama kínverja?

[Sporðdrekinn, 11.4.2008 kl. 12:06]

Nú er Dalai Lama komin til USA kannski ég ætti bara að fara og leita að honum!