Obbosí

...smá klúður.

Eða er Edwin Blackadder varðstjóri hjá lögreglunni í Reykjavík? Svona hegðun er eiginlega með þeim ólíkindum að sá kostulegi karakter hefði varla getað látið sér detta þetta í hug, og reyndi hann þó allt til að sveigja reglur allar að eigin þörfum. Og hvað með lögreglumanninn eða -mennina sem hlýddu þessum fyrirmælum? Þeir virðast ekki mikið skárri í heilabúinu en þeir undirsátar Blackadders, Baldrick og George, sem eru satt að segja með vitgrennstu persónum gervallrar sjónvarpssögunnar. Eða er það barasta þannig að lögreglumenn verða að hlýða skipunum varðstjóra síns, jafnvel þó hann sé kominn í ferðagallann og augsýnilega í fríi?

Ég vona bara að þetta eigi sér ofureðlilegar skýringar, eins og t.d. að varðstjórinn hafi verið í leyniferð til Interpol eða FBI sem hann mátti alls ekki missa af og ekki nokkur sála vita af!

Svona í lokin, fyrir þá sem ekki vita hver Blackadder og co eru: http://en.wikipedia.org/wiki/Blackadder

Varðstjóri ákærður fyrir brot í opinberu starfi

Athugasemdir

[Jóna Á. Gísladóttir, 1.8.2007 kl. 20:36]

þetta er alveg með ólíkindum. Ég ímynda mér að undirtyllur hans hafi ekki þorað að neita.

[Brynja Hjaltadóttir, 2.8.2007 kl. 00:21]

Þorað að neita? Það er nú eitthvað að mönnum ef þeir þora ekki að neita varðstjóra á frívakt. Varla er maðurinn svo skerí...

[Jóna Á. Gísladóttir, 2.8.2007 kl. 01:48]

hvað er varðstjóri á frívakt. Öllu heldur, hvað er frívakt?

[Markús frá Djúpalæk, 2.8.2007 kl. 08:41]

Frívakt er þegar þú ert ekki á vakt. Og Á Frívaktinni hét óskalagaþáttur sjómanna á Gufunni í gamla daga. Eða var það óskalagaþáttur varðstjóra?