Kvikmyndagagnrýni

Rétt fyrir klukkan fimm í dag datt ég inn á einhverja útvarpsstöð þar sem var á lærðan máta verið að fjalla um bíómynd. Þarna sátu þrjár manneskjur, þáttastjórnendur tveir og gagnrýnandinn. Hann talaði fram og til baka um kvikmyndina, myndina, þessa mynd og ég veit ekki hvaða orð hann notaði til að komast hjá að nefna þá mynd sem til umfjöllunar var á nafn. Auðvitað hefur það verið nefnt í upphafi spjallsins en ég hlustaði í rúmar þrjár mínútur, allt til enda og aldrei, ALDREI datt neinu af þessu fólki sem þarna sat að segja mér sem missti af innkynningunni um hvaða mynd var að ræða. Það var meira að segja látið hjá líða meðan verið var að stjörnumerkja myndina og í útkynningu var nafn hennar ekki nefnt heldur. Þetta pirraði mig rosalega þó mig hafi, af mínu alkunna hyggjuviti farið að renna í grun að um væri að ræða Beðmál í borginni. Ég er þó auðvitað ekkert alveg viss, enda sagði enginn mér það.

Garg!

Bloggfærslan er alfarið á ábyrgð skrifanda en endurspeglar ekki á neinn hátt skoðanir eða afstöðu mbl.is, og Morgunblaðsins.

Ræriræ

Bloggfærslan er alfarið á ábyrgð skrifanda en endurspeglar ekki á neinn hátt skoðanir eða afstöðu mbl.is, og Morgunblaðsins.

Áfengi minnkar líkur á liðagigt

Veiðisumarið lítur ágætlega út

..og byrjar ágætlega. Okkur tókst að minnsta kosti loksins að vekja athygli í útlöndum fyrir eitthvað. En mér fannst samt ljótt að fella björninn, án þess að ég hafi nokkurt vit á hvort það var eina lausnin í stöðunni eða ekki. Ég hef aldrei farið á bjarndýrsveiðar, ætla mér það ekki ótilneyddur og get ekki dæmt um hvort það var nauðsynlegt að skjóta hann. En Ísland hefur komið á nýjum Ísbjarnarblús sem án efa á eftir að óma lengi...

Bloggfærslan er alfarið á ábyrgð skrifanda en endurspeglar ekki á neinn hátt skoðanir eða afstöðu mbl.is, og Morgunblaðsins.

Hvítabjarnarmál vekur athygli

Spá dagsins

Sporðdreki: Þú leggur þig sérstaklega fram af því að þú elskar einhvern. íhugaðu vel gjörðir þínar fyrirfram, því með þeim skapar þú fordæmi.

Bloggfærslan er alfarið á ábyrgð skrifanda en endurspeglar ekki á neinn hátt skoðanir eða afstöðu mbl.is, og Morgunblaðsins.

Húmorslaust pakk..

..leynist víðar en í múslímalöndum greinilega. Ég get ekki ímyndað mér að það að gera grín að Rannsóknarréttinum sem allir vita að var skelfileg stofnun, argasta afturhald og bremsa á framfarir, geti talist guðlast. Þeir prelátar sem þar sátu voru eingöngu að reyna að viðhalda völdum kirkju sem var búin að fjarlægjast upphaflegt markmið sitt svo að skömm var að. Ég held að kaþólikkar ættu bara að hlæja með og gleðjast yfir því að andi mannsins lifði af tilraunir réttarins til að kæfa hann, en ekki hundmóðgast og feta í fótspor Rannsóknarréttarins. En gera þeir það? E - Nei.

Bloggfærslan er alfarið á ábyrgð skrifanda en endurspeglar ekki á neinn hátt skoðanir eða afstöðu mbl.is, og Morgunblaðsins.

Segja upp viðskiptum við Símann

Einn stílhreinasti og fegursti minjagripur íslenzkrar gamallar byggingarlistar, sem til er

 

Þetta sagði Dr. Kristján Eldjárn um Víðimýrarkirkju í Skagafjarðarprófastdæmi. 

Hún var friðlýst árið 1936 og  komst þá í eigu Þjóðminjasafnsins.  Samkvæmt ákvæðum frá þeim tíma er hún einnig sóknarkirkja Víðimýrarsóknar.

Á Víðimýri hefur verið bændakirkja frá fornu fari og hafa margir merkir klerkar þjónað staðnum, þ.á.m. Guðmundur góði Arason, sem varð síðar biskup á Hólum 1203 - 1237.  Fyrstu heimildir eru frá því fljótlega eftir kristnitöku árið 1000, en hún var ekki talin sóknarkirkja fyrr en árið 1096.  Það er ekki vitað hver lét reisa kirkjuna. Húnn hefur verið nokkuð rúm, því að í henni voru sögð vera 4 ölturu, eitt háaltari og þrjú utar í kirkjunni. Víðimýrarkirkja var helguð Maríu mey og Pétri postula.

Núverandi kirkja var byggð 1834-35.  Jón Samsonarson, alþingismaður og bóndi í Keldudal, var yfirsmiður. Byggingarefni var rekaviður utan af Skaga og torf úr landi Víðimýrar.  Innviðir kirkjunnar eru að mestu leyti hinir upprunalegu, en torf hefur verið endurnýjað.  Kirkjan er með spjaldþiljum í trégrind og reisifjöl á þeskju en það varð ríkjandi trésmíð á húsum hérlendis upp úr miðri 18. öld.  Á stöfnum og yfir prédikunarstól eru gluggar.  Kirkjugarður er ferhyrndur, var áður sporöskjulaga, hlaðinn úr torfi og grjóti.  Sáluhliðið er á upprunalegum stað og í því hanga klukkurnar.  Ýmsir gamlir munir eru í kirkjunni úr eldri kirkjum á staðnum, t.d. prédikunarstóllinn, sem er mjög gamall.  Altaristaflan er dönsk frá árinu 1616.

Bloggfærslan er alfarið á ábyrgð skrifanda en endurspeglar ekki á neinn hátt skoðanir eða afstöðu mbl.is, og Morgunblaðsins.

 

Frá tímum kalda stríðsins

Þessa litlu útfærslu af trúarjátningunni fann ég vélritaða á smá snepil innan í gamalli bók sem heitir Heimurinn Þinn. Hún er auðsjáanlega frá upphafi niunda áratugarins er kalda stríðið stóð í algleymingi og Ronald Reagan og Yuri Andropov stjórnuðu heiminum. Ég vona að enginn kæri mig fyrir guðlast þó ég smelli þessu hérna inn:

Ég trúi á Andreaganopov stjórnendur himins og Jarðar. Ég trúi á kjarnorkuvopn, þeirra einkavopn, sem getin voru og fædd af vísindamönnum, prófuð, reynd og sprengd í Nevadaeyðimörkinni og Síberiu. Varpað á Hiroshima og sýndu mátt sinn í upprisu geislavirku gorkúlunnar. Eru tengd hnappi við hægri hönd Andreaganopov og munu þaðan koma til að drepa óvinininn. Ég trúi á langdrægar kjarnorkueldflaugar, eftirlitskerfið, VarNatósjávarbandalagið, að við lifum af kjarnorkustyrjöld og fáum þar með eilíft líf.

Bloggfærslan er alfarið á ábyrgð skrifanda en endurspeglar ekki á neinn hátt skoðanir eða afstöðu mbl.is, og Morgunblaðsins.

Hættiði nú alveg!

 

Ég er greinilega eitthvað pirraður í dag, þessi arfavitlausa hugmynd um skylmandi, boxandi ofur Sherlock fer hrikalega í taugarnar á mér.

Sennilega verður Jackie Chan fenginn til að leika Holmes svo hann verði nú örugglega nógu liðugur og fyndinn.

Guð hjálpi mér.

Bloggfærslan er alfarið á ábyrgð skrifanda en endurspeglar ekki á neinn hátt skoðanir eða afstöðu mbl.is, og Morgunblaðsins.

Nýr Sherlock Holmes fyrir nýja kynslóð

Húmorslausa pakk

Höldum okkur fjarri þessu liði, einfalt, öruggt og þægilegt!

Bloggfærslan er alfarið á ábyrgð skrifanda en endurspeglar ekki á neinn hátt skoðanir eða afstöðu mbl.is, og Morgunblaðsins.

Al-Qaeda var að hefna fyrir Múhameðsteikningar