Veldur Pepsi Max ofskynjunum?

Ég hef séð nokkrar sjónvarpsauglýsingar um ropvatnið Pepsi Max, þar sem ungir menn eru í þann mund að framkvæma fífldirfskulegar æfingar sem ég mæli ekki með að nokkur maður reyni heima hjá sér. Rétt í þann mund sem ofurhugarnir eru að guggna á öllu hafaríinu heimta þeir Pepsi Max að drekka, þamba úr dósinni sem þeim er rétt og verða samstundis fyrir ótrúlegum ofskynjunum; sjá rómverska riddara, hnefaleikakappa og ég veit ekki hvað. Það er ekki nóg með að þeir sjái, heldur tala ofskynjanirnar til þeirra, sem er auðvitað háalvarlegt mál. Ofskynjanir þessar valda því að ofurhuginn lætur skeika að sköpuðu og lætur vaða. Með ófyrirséðum afleiðingum.

Það er næsta víst að Pepsi Max er stórhættulegt ofskynjunarlyf sem enginn ætti að neyta. Ef marka má auglýsingarnar um það að minnsta kosti.

Bloggfærslan er alfarið ábyrgð þess sem hana skrifar og það eru ofskynjanir af þinni hálfu ef þú heldur að einhver annar eigi að bera ábyrgð á henni. Allra síst ber Mogginn eða Moggabloggið ábyrgð á þessu bulli.

Athugasemdir

[Orgar, 29.11.2008 kl. 21:25]

Þú færð allavega útbrot og ógleði af Maxinu

[Steingrímur Helgason, 29.11.2008 kl. 22:56]

89 krónur tvílíterinn í Bónhannezarbaugzbúðinni & af hverju veit ég það ?

Konudýr lehamzdrar þetta í hundraðavíz af þvílíkilli fíkn & áztríðu að það er fullt pikkandi pallhús af þezzu ógeðizglundri hérna núna út á plani, já minn eðalFord er undirlagður undir þetta dóperí & var nú áður meira meintur sem 'kókbíll'.

"Hvað ef frýz nú almennilega & allt PepsíMaxið spríngur, gæzkan mín?" var mætt með viðurstyggilega skilníngssljóu augnaráði fíkilsins.

[Sigþrúður Harðardóttir, 29.11.2008 kl. 23:56]

Ég elska Pepsi Max!

[Markús frá Djúpalæk, 30.11.2008 kl. 00:34]

En fáið þið sem  drekkið það svona ofskynjanir - eða venzt þetta kannski?

[Sigríður Þórarinsdóttir, 30.11.2008 kl. 04:22]

Varið ykkur á aspartaminu, held það sé hið mesta eitur hvað sem hver segir.

[Helga Guðrún Eiríksdóttir, 30.11.2008 kl. 21:47]

Izz, þarekki einuzinni hægtað blandíetta...

[NN (IP-tala skráð) 1.12.2008 kl. 11:59]

Hmmmm....  skemmtileg pæling, er maður þá bara búinn að vera í ofskynjunum síðustu árin......  spurning hvort allt verður bara venjulegt aftur, engin bankakreppa, ekkert atvinnuleysi osfrv., ef maður  hættir að drekka þennan óþverra.......  ???

[Hrönn Sigurðardóttir, 1.12.2008 kl. 13:57]

hahaha góð spurning!!

[Lilja Guðrún Þorvaldsdóttir, 4.12.2008 kl. 16:58]

Passaðu þig nú, það er aldrei of varlega farið þegar gasmyndandi ropvatn er annarsvegar.