Bleikt....?

Ætli flestum myndi ekki bregða ef svona vera kæmi að manni útúr myrkrinu, ég held meira að segja að friðsemdarmaður eins og ég myndi slá frá sér ef svífandi kæmi annarleg vera íklædd gylltum leggingsbuxum, svörtum hermannaklossum, bleiku ballerínupilsi, bleikum bol og með bleika loðhúfu á höfði.  Ég yrði skelfingu lostinn.

En að öllu gamni slepptu vona ég auðvitað að árásarmaðurinn finnist.

Bloggfærslan er alfarið á ábyrgð skrifanda en endurspeglar ekki á neinn hátt skoðanir eða afstöðu mbl.is, og Morgunblaðsins.

Lýst eftir vitnum að líkamsárás

Athugasemdir

[Markús að gamni sínu? (IP-tala skráð) 7.8.2008 kl. 10:23]

Ég verð nú víst að vera leiðinlegur Markús en hví finnurðu hjá þér tilfinningu til að gera að gamni þínu þegar þú lest um að maður hafi verið sleginn í andlitið með flösku?

Við Íslendingar skemmtum okkur á stórfurðulegan hátt; líkt og skógarhöggsmen þegar þeir fá frí líkt og Haraldur Ólafsson mannfræðingur orðaði það. Gerum síðan létt grín að afurðum fyllirísruglsins. Ömurlegt segir ég og tími til að breyta til.

Með hreinskilinni kveðju Sigmar Þormar, Kópavogi

[adolf (IP-tala skráð) 7.8.2008 kl. 10:42]

Var hann á leiðinni í homma gönguna í Reykjavik

[Ólafur (IP-tala skráð) 7.8.2008 kl. 10:50]

Mér myndi eflaust bregða við svona veru við allar aðstæður NEMA á Þjóðhátíð í eyjum.  Vona svo sannarlega að ofbeldismaðurinn finnist, enda á hann ekkert gott skilið eftir svona harkalega líkamsárás.

[Markús frá Djúpalæk, 7.8.2008 kl. 10:58]

Ekki gott að segja hvert hann ætlaði, en maðurinn er greinilega ekki verr haldinn en svo að hann geti greint frá atburðum næturinnar, kannski að flaskan hafi verið úr plasti. Stundum eru atburðalýsingar einfaldlega svo fáránlegar að maður getur ekki annað en slegið á létta strengi þó svo ég óski engum þess almennt að vera barinn með flösku eða nokkru öðru ef út í það er farið. Svona atburðir eru samt ástæða þess að mig langar lítið að mæta á svona fíflasamkomur, þar sem megintilgangurinn virðist vera að verða svo mökkölvaður að minningar um gleðina eru engar, nema hjá þeim sem eru svo óheppnir að lenda í einhverjum pústrum eða verra. Það er ekki eftirsóknarvert í minni bók. Ég veit ekkert um hvort þú, Sigmar, hegðir þér eins og skógarhöggsmaður þegar þú ert í fríi, ég geri það ekki og áskil mér allan rétt til að gera grín að öllum sem það gera, þegar þannig liggur á mér.

[egvania, 7.8.2008 kl. 15:46]

 Markús ef satt skal segja þá get ég ekki fundið nokkurt grín í þessu og þetta svífandi -  annarleg vera, hvers vegna telur þú að manneskjan hafi verið svífandi? 

 Til allra hamingju eru ennþá til ungmenni sem þora að klæða sig í annað en það sem reglan segir að vera öðruvísi er bara gaman. Það er hægt án þess að svífa ekki satt.

En í lokin þú átt góða punta hér og gaman að skoða hjá þér er svoddan dóni að kvitta ekki fyrir innlitið.

Ásgerður Einarsdóttir

[Markús frá Djúpalæk, 7.8.2008 kl. 15:59]

Þakka þér fyrir innlitið Ásgerður. Ávallt velkomin .

[Bleikur (IP-tala skráð) 7.8.2008 kl. 17:59]

Ég verð að segja að ég styð bleika manninn vegna þess að allir sem hafa komið á þjóðhátíð hafa eflaust séð marga skrautlega karaktera í kjánalegum búningum, sér og öðrum til skemmtunar og er það tvímælalaust ómissandi partur af þjóðhátíð. Auk þess þarf maðurinn ekkert endilega að hafa verið ofurölvi (þó að líkast til hafi hann verið það miðað við tíma og staðsetningu) til þess að klæðast svona búning. Ég vona að árásarmaðurinn finnist og verði látinn fara fyrstur í flokki niður laugarveginn á laugardaginn í sömu múnderingu og maðurinn sem hann réðst á og vonandi slær einhver hann með flösku í andlitið

[Markús frá Djúpalæk, 7.8.2008 kl. 18:09]

Ég ætla nú ekki að mæla með að einn eða neinn verði sleginn með flöskum, en það er góð hugmynd þetta með gleðigönguna...