Uppruni eldsins

Hinir samtvinnuðu hringir og kyndillinn sem borinn er milli landa, eru einhverjar sterkustu táknmyndir Ólympíuleikanna. Uppruna ólympíueldsins má rekja aftur til hinna fornu Ólympíuleika í Aþenu þar sem heilagur eldur var kveiktur með sólarljósinu og látinn brenna við altari Seifs á meðan á leikunum stóð.

Það var svo fyrir Ólympíuleikana í Amsterdam árið 1928 sem eldurinn var kveiktur á ný, þrátt fyrir að fyrstu leikar nútímans hafi verið haldnir í Grikklandi árið 1896. Fyrir leikana í Berlín árið 1936 var svo tekin sú ákvörðun að hlaupa með eldinn um víða veröld eins og gert er í dag. Sagan segir að þessi siður að hlaupa með eldinn um borgir hinna ýmsu landa hafi verið fundinn upp af nasistum í áróðursskyni. Eldurinn er kveiktur með aðstoð spegils og sólar, við hátíðlega athöfn í Olympíu og þaðan er hlaupið með hann vítt og breytt um heiminn þar til hann nær landi í þeirri borg sem heldur leikana það árið. Loginn fær svo að brenna uns Olympíuleikunum lýkur.

Núna, árið 2008 gerðist það í fyrsta sinn í sögunni að eldurinn var slökktur á leið sinni frá Olympíu vegna mótmæla gegn gestgjafanum þetta árið, Kína. Í kjölfarið er tekin sú ákvörðun að því er virðist, að gera þetta sameiningartákn leikanna ósýnilegt almenningi.

Ólympíueldurinn í Keflavík

Athugasemdir

[Hrönn Sigurðardóttir, 8.4.2008 kl. 09:30]

hehemmmm..... Var einmitt að spekúlera í því hvort ólympíueldurinn væri reyklaus..... verandi íþróttablys

[Markús frá Djúpalæk, 8.4.2008 kl. 09:39]

Hann reykir örugglega ekki mjög mikið blessaður eldurinn

[Helga Guðrún Eiríksdóttir, 8.4.2008 kl. 11:05]

Synd og skömm og Frakkar lélegir.

[Markús frá Djúpalæk, 8.4.2008 kl. 11:35]

Ég hélt einmitt að frakkar væri þjóðin sem myndi viðhalda eldinum ...