Myglusveppur í Rödd Alþýðunnar

Vágestur sem heitir myglusveppur hefur herjað á allnokkrar fjölskyldur og hús þeirra hér á Íslandi á undanförnum árum. Moggabloggari einn Bylgja Hafþórsdóttir http://bylgjahaf.blog.is/blog/bylgjahaf/ varð svo illa fyrir barðinu á myglusveppinum að hún og fjölskylda hennar missti hús sitt og megnið af innbúinu, eins og ég sagði frá hér fyrr í vikunni. Það hlýtur að hafa verið hrikaleg lífsreynsla. Nú er fjölskyldan gera eins og hún getur til að rétta hlut sinn og koma lífi sínu í samt form. Einnig er í gangi söfnun þar sem þjóðin hleypur undir bagga með þessarri fjölskyldu á Hvalfjarðarströndinni.

Á mánudagsmorguninn ætlar Bylgja að segja okkur á Útvarpi Sögu í Rödd Alþýðunnar sögu sína. Við ætlum líka að heyra í Sylgju líffræðingi hjá Hús og heilsu sem ætlar að segja okkur hvað myglusveppur er, hvernig fólk getur áttað sig á að hann sé að hreiðra um sig í hýbýlum þess og hvað er til ráða ef hann gerir vart við sig.

Ég hvet alla til að hlusta á mánudagsmorguninn milli kl. 7 og 9.

Athugasemdir

[Sporðdrekinn, 29.3.2008 kl. 19:47]

Gott framtak, örugglega margir sem hafa ekki hundsvit á þessu..... og þar á meðal ég

[Markús frá Djúpalæk, 29.3.2008 kl. 20:06]

Ég vona að þessi erfiða saga verði öðrum til upplýsingar og geti kannski komið fyrir að einhver lendi í sömu stöðu og Bylgja og fjölskylda. Ég vona líka að þjóðin geri eins og hún getur við að aðstoða að koma fótunum aftur undir þau, það er frekar erfitt að skulda 10 milljónir af húsi sem er ekki lengur til.

[Sporðdrekinn, 29.3.2008 kl. 20:34]

Úff já segðu, nógu erfitt er að borga fyrir þakið sem að maður hefur yfir höfðinu.

[Sigurður Þórðarson, 29.3.2008 kl. 20:50]

Takk fyrir þessa ábendingu. Ég mæti snemma í vinnuna og hlusta.

[Númi (IP-tala skráð) 29.3.2008 kl. 21:50]

Er einmitt að smúla allt út hjá mér,þessa dagana og hreinsa vel og mála.Það er rétt einsog ,,sporðdrekinn,, sem hér á undan ritar  að sumir hafi ekki hundsvit á þessu,ég er í þeim hópi,mun pottþétt hlusta á mánudag.