Nú spyr ég...

...þarf ekki að vera til leið til að menn sem eru teknir grunaðir um eitthvað fái úrlausn sinna mála STRAX en geti ekki samdægurs farið út og valdið sömu hættunni? Auðvitað þarf að muna að menn séu saklausir uns sekt er sönnuð, en fjandakornið það sést á mönnum hvort þeir eru drukknir og áfengismælar taka af allan vafa. Á ekki að stinga mönnum afsíðis meðan sem þannig er ástatt um en ekki gefa þeim tækifæri á að setjast upp í næsta bíl til að valda hugsanlega stórslysi? Ég held að þeim löggæslumönnum sem þurftu að sleppa manni sem slíkt fremur líði nú ekki vel á eftir. En það er ekki viö lögregluna að sakast, hún vinnur sín verk að lögum. Það þarf bara skýrari og ákveðnari lagasetningu.

Og ég spyr, á maður sem hefur FIMM SINNUM á stuttum tíma verið tekinn við að aka undir áhrifum lyfja ekki að vera einhvers staðar annars staðar en úti að aka?

Tekinn tvisvar sama kvöldið

Athugasemdir

[Helga Guðrún Eiríksdóttir, 29.3.2008 kl. 15:12]

Er ekki löggæslan að brjóta eigin lög þegar hún hleypir ölvuðum einstaklingum út "á almannafærið" sem þeir lögum samkvæmst mega ekki sjást á... eftir að hafa verið staðnir að verki við að brjóta önnur landslög?

Skrítið réttarkerfi þetta.

[Markús frá Djúpalæk, 29.3.2008 kl. 15:14]

Samt sniðugt að vera glæpon hérna...

[Helga Guðrún Eiríksdóttir, 29.3.2008 kl. 15:33]

Vandfundið vinsamlegra glæpaumhverfi.

[Sporðdrekinn, 29.3.2008 kl. 18:33]

Auðvitað á að taka harðar á þessu. Fólk er jú að sýna mikið gáleysi með þessu og geta valdið dauða annarra.