Húmorsleysi

...hvað veldur því að svona gæjar eins og Osama eru algerlega sneyddir húmor og það sem verra er finnst skopteikningar verri en morð og meiðingar? Æjá, ég veit, það er þetta fornkveðna um að penninn sé máttugri en sverðið. Pennar og blýantar fara greinilega mjög í taugarnar á þessum skeggapa, hann hefur greinilega átt mjög óhamingjusama æsku greyið.

Bin Laden hótar Evrópu

Athugasemdir

[amaba, 20.3.2008 kl. 00:03]

algjörlega sammála hver gerði þennann mann að stjórnanda yfir heiminum.

[FLÓTTAMAÐURINN, 20.3.2008 kl. 00:06]

Það var hryðjuverkastjórnin í USA sem gerði Binladen að því sem hann er í dag. Ef þið hafið áhuga á sannleikanum þá mæli ég með að þið skoðið þetta: http://www.911truth.org/article.php?story=20041221155307646

[Gústaf Gústafsson (IP-tala skráð) 20.3.2008 kl. 00:07]

Það er ekki það að ég sé múslími, og heldur ekki það að ég haldi með hryðjuverkamönnum, en ég get ekki annað en furðað mig á skilningsleysi beggja aðila.

Markús, þú dæmir þessa menningu og þennan trúarheim, kallar leiðtoga þeirra skeggapa. Hvaða skilning höfum við? Mannstu eftir auglýsingu Símans um Jesú, mannstu hvað Biskup sagði? Þvílík viðbrögð í íslensku samfélagi vegna auglýsingaherferðar.

Erum við eitthvað skárri þegar kemur að skilningsleysi, rasisma og öfgum?

Mig langar líka að spyrja þig, hvað myndir þú gera ef það væri óvinveittur innrásarher hér á Íslandi sem hefði t.d. varpað sprengjum á Landspítalann?

Það verður að nálgast þessi mál af meiri skilningi og leyfa þessum þjóðum að leysa sín ágreiningsmál á sinn hátt. Það er allavega mín skoðun.

[proletariat, 20.3.2008 kl. 00:13]

Sá sem hagnast mest á þessum ótta er Bush og hans lið.

Sá sem elur mest á þessum ótta er Bush og hans lið.

Það má deila um byrjunina, nútíðin talar sínu máli.

[Siggi (IP-tala skráð) 20.3.2008 kl. 00:20]

Gústaf: Síðan hvenær er Bin Laden Leiðtogi múslima ?? Ég veit ekki betur en hann sé í mesta lagi sjálfskipaður leiðtogi þeirra !!! Og í örðulagi þá skipaði Biskup Íslands engin dráp á fólki fyrir þessa auglýsingu Símanns, en ef einhver byrtir jafnvel hina sakluasustu mynd af Muhamed þá á helst bara að bara drepa hann samkvæmt þessum gæjum... Ég held þú ættir rétt aðeins að hugsa áður en þú talar...

[Páll Árnason (IP-tala skráð) 20.3.2008 kl. 00:27]

Ekki vissi ég, Gústaf, að Osama Bin Laden væri trúar- og menningarlegur leiðtogi múhameðstrúarmanna. Ekki man ég heldur eftir að biskupinn hafi farið fram á morð á konum og börnum í hefndarskyni við auglýsingunni. Ef maður ætlar að nálgast mál af skilningi er lágmark að reyna að skilja málið fyrst!

[Hrönn Sigurðardóttir, 20.3.2008 kl. 08:25]

Hér sé friður ;)

[Markús frá Djúpalæk, 20.3.2008 kl. 08:39]

Gústaf, ég var ekki að dæma múslíma og þeirra menningarheim með orðum mínum, heldur snargeggjaða, sjálfskipaða málsvara þeirra eins og þennan Bin Laden gaur. Hann er fyrst og fremst hryðjuverkamaður en ekki einhver sérstakur leiðtogi múslíma, sem betur fer. Þú talar um að leyfa "þessum þjóðum" að leysa sín ágreiningsmál á sinn hátt sem er rökvilla hjá þér, það er ekki verið að leysa ágreiningsmál, heldur er Osama m.a. að hóta þjóðum sem hafa birt skopmyndir af Múhammeð. Sem er að mínu mati eingöngu fyrirsláttur til að geta brugðið bröndum því Múhammeð er "bara" spámaður en ekki trúartákn, og Jesús er í huga þeirra samskonar spámaður. Ekki hef ég séð múslíma öskra hátt þó gert sé grín að Jesú á Vesturlöndum. Ég get heldur ekki borið saman blóðuga árás óvinveitts hers á Landspítalann og skopteikningar, þannig að ef það er einhver sem þarf að nálgast mál með meiri skilningi þá eru það einmitt menn eins og Osama bin Laden og George Bush svo dæmi séu tekin. Og enn eitt, það er ekki hægt að bera saman viðbrögð við símaauglýsingunni og þennan boðskap Osama. Biskup hótaði ekki að murka lífið úr Jóni Gnarr, stjórnendum símans og öllum viðskiptavinum hans, sá er munurinn. Og að lokum, í gegnum tíðina hefur mér frekar verið legið á hálsi fyrir að vera of víðsýnn og tilbúinn að trúa því besta upp á fólk, en stundum fær maður hreinlega nóg.

[Gústaf Gústafsson (IP-tala skráð) 20.3.2008 kl. 10:22]

Mér finnst þessi svör nú nálgast ansi mikið það sem ég ritaði fyrr. 

Ég sagði aldrei að Bin Laden væri leiðtogi allra Múslima, en hann er klárlega einn af leiðtogum þessa menningarheims og hann er ekki sjálfskipaður frekar er aðrir leiðtogar, hann er afleiðing áratuga og árhundruða af kúgun, morðum og þvingunum.

Siggi: Ég held að það þurfi ekki að fara í svona öfgar þegar verið er að ræða þessi mál, höfuð Íslensku kirkjunnar hafa ekki staðið í manndrápum síðustu árhundruð sem betur fer. En skilningsleysi ákveðins hóps gagnvart trúarbrögðum múslima gerir okkur ekki að góðu gæjunum. Meðalaldur karla í Afganistan var 14 ár þegar Rússar fóru þaðan, því er ekkert óeðlileg að auðvelt sé að koma að öfgatrú. Á þessu þurfum við að hafa skilning, en ekki úthrópa þessa aðila sem skeggapa eða ómenni.

Markús: Ég er alveg hjartanlega sammála þér að Bin Laden er hryðjuverkamaður, en hann er ótvíræður leitogi þeirra sem leiða andspyrnu á þessu svæði og því verður ekki breytt með því að blogga á Íslandi. Hann er svo mikilvægur að hann er aðalástæða veru herja vesturlanda í Afganistan og Írak. Það er miklu meira en að vera sjálskipaður skeggapi. Ég held líka að við ættum ekki að vera mikið að tala um hvernig þeir túlka Jesú, því það litla sem ég hef séð að trúarbrögðum múslíma er að þeir bera meiri virðingu fyrir okkar trúarbrögðum en við þeirra. Varðandi blóðuga árás á Landspítalann, þá var ég alls ekki að bera saman það og skopteikningar, heldur þá staðreynd að ansi margir spítalar hafa verið lagðir í rúst í innrásarstríði erlendra herja á Afganistan og Írak. það situr í mér fréttamynd sem ég sá fyrir nokkrum árum af árás sem misfórst, þegar barnaspítali endaði sem skotmark svokallaðrar vitsprengju eða "Smartbomb".

En allavega, ég er alls ekki að segja að rétta leiðin sé að stunda hryðjuverk, en miðað við hvernig ástandið hefur verið þarna undanfarna áratugi þá hefur það alls ekki hjálpað að mínu mati að drepa einhverjar miljónir  í viðbót og senda 4-5 miljónir á vergang.

Eitt enn, reynið að skrifa vitrænt, ekki úthrópa fólk þó það reyni að skilja hlutina. Umræða er alltaf til góðs. 

[Markús frá Djúpalæk, 20.3.2008 kl. 10:33]

Osama Bin Laden er bæði skeggapi og ómenni, ég ætla ekki að reyna að skilja sálarlíf hans.

[Helga Guðrún Eiríksdóttir, 20.3.2008 kl. 14:14]

Stangtrúaðir múslimar eru ekki bara húmorslausir, þeir eru afar hættulegir.

Þeir heimta og krefjast og ef þeim er hafnað þá hefna þeir sín.

Álit þitt og tilfinningar skipta þá engu máli. Þeir álíta sig ekki bara yfir þig hafna, heldur bíða tækifæris að ryðja þér úr vegi.

Þetta eru skeggapar sem svífast EINSKIS!