Undarlegt að vera bæði blindur og með ofskynjanir...

..hugsaði ég þegar ég horfði spenntur á leik FH og Vals í gær. Mér fannst nú blessaður dómarinn sem haltraði svo útaf áður en seinni hálfleik lauk endanlega, dyggilega studdur af aðstoðarmönnum sínum, hundtryggum, full vænn í dómgæslu sinni. Heimaliðinu í vil. En það gerði ekkert til, Vals-strákarnir á vellinum börðust eins og ljón og lönduðu sætum sigri. Þeim tókst að stöðva áralanga sigurgöngu fimleikapiltanna. Nú er bara að mæta eins stemmdir gegn HK næstkomandi laugardag og koma Íslands-dollunni á Hlíðarenda, rétt eins og stelpunum tókst um daginn. Þá verður kátt í höllinni. Nýju höllinni.

Áfram Valur!

Valsmenn í vænlegri stöðu

Athugasemdir

[Stefán (IP-tala skráð) 24.9.2007 kl. 14:52]

FH-ingar eru farnir á taugum yfir sínum eigin aumingjaskap gagnvart lánsmönnum sínum hjá Fjölni, enda heyrist mér nú allt fótboltaáhugafólk halda með Val í lokaslagnum og svo Fjölni í úrslitaleiknum.

Stefán

[Markús frá Djúpalæk, 24.9.2007 kl. 14:56]

Pottþétt!

[Heimir Lárusson Fjeldsted, 24.9.2007 kl. 15:02]

Valsmenn eru vel að sigri komnir á Íslandsmótinu, án þess að ég finni sérstaka hvöt hjá mér til að hnýta í fimleikastrákana.

Þeir hafa staðið sig afskaplega vel undanfarna 40 mánuði og það tímabil verður ekki af þeim tekið.

Það verður gaman fyrir okkur KR-inga að mæta Íslandsmeisturum Vals á næsta ári; hvorugt liðið þekkt fyrir hroka eða steigurlæti.

[Markús frá Djúpalæk, 24.9.2007 kl. 15:10]

Sammála, mér finnst FH spila skemmtilegan fótbolta, með mikinn karakter, en það væri skemmtilegt að sjá annað lið hreppa toppsætið. Helst Val.

[Jóhann Elíasson, 27.9.2007 kl. 11:15]

Fyrir utan það að mér fannst FH-ingar alveg dr... upp á bak varðandi lánsleikmennina hjá Fjölni, þá finnst mér staða þeirra í deildinni þeim alveg mátuleg.  ÁFRAM HAUKAR!!!

[Markús frá Djúpalæk, 27.9.2007 kl. 14:20]

Haukar? Jájá um að gera.