Söknuður

Mér finnst ég varla heill né hálfur maður
Og heldur blankur, því er verr
Ef væri aur hjá mér, væri ég glaður
Betur settur en ég er

Eitt sinn verða allir menn að borga
Eftir bjartan daginn kemur nótt.
Ég harma það, en samt verð ég að segja,
að lánið fellur allt of fljótt.

Við gátum spreðað, gengið um,
gleymt okkur í búðunum.
Engin svör eru við stjórnarráð
Gengið saman hönd í hönd,
Saman flogið niður á strönd.
Fundið stað, sameinað beggja lán.

Horfið er nú hlutabréf og lánsfé
Í veski mínu hefur eymdin völd
Í dag ræður bara sultarólin
Nú einn ég sit um skuldavönd

Eitt sinn verða allir menn að borga
Eftir bjartan daginn kemur nótt.
Ég harma það, en samt verð ég að segja,
að lánið fellur allt of fljótt.

Ég horfi yfir bankann minn
Hugsi hvort hann hleypi mér inn
Ég alltaf gat treyst á þig
Í að fjármagna mig
Ég reyndar skulda allstaðar
Þá napurt er, það næðir hér
og nístir mig.

Bloggfærslan er alfarið á ábyrgð skrifanda en endurspeglar ekki á neinn hátt skoðanir eða afstöðu mbl.is, og Morgunblaðsins.

 

Tímaspursmál hvenær leitað verður til IMF

Athugasemdir

[Þórður Helgi Þórðarson, 10.10.2008 kl. 13:46]

Er skotleifi á alla texta í dag. Gera aumingja grín úr öllu?

Þetta er ekki einusinni fyndið....

Veit að þú átt ekki í hlut, en gef þér ekki hæstu einkun fyrir byrtingu.

Bestu kveðjur og góða helgi

[Markús frá Djúpalæk, 10.10.2008 kl. 15:33]

Eins gott að ég fékk ekki barasta falleinkunn hjá vini mínum Þórði  Sömuleiðis, gangi þér vel með þáttinn í kvöld!

[Sigþrúður Harðardóttir, 10.10.2008 kl. 18:43]

Skáldið faðir þinn gæfi nú ekki mikið fyrir bragfræðina í þessum brag

[Markús frá Djúpalæk, 11.10.2008 kl. 10:26]

[Þórarinn Jóhann Jónsson (IP-tala skráð) 12.10.2008 kl. 08:09]

Hver er höfundurinn?  Mér fannst þetta nú bara ansi gott!

[Helga Guðrún Eiríksdóttir, 13.10.2008 kl. 11:37]

 -Er ekki kominn tími til að mjaka eitthvað til í brúnni..?