Richter kvarðinn

 

Richter kvarðinn var fundinn upp af Charles Richter og Beno Gutenberg  árið 1935 og er notaður til að mæla styrk jarðskjálfta. Hvert stig í hækkun á kvarðanum gefur þrítugföldun, þannig að um er að ræða veldi af 30. Ef styrkur einhvers skjálfta er gefinn upp sem 5 stig á Richter, svo að dæmi sé tekið, þá er skjálfti upp á 8 stig 30 · 30 · 30 = 27 þúsund sinnum orkumeiri en sá fyrri.

Suðurlandsskjálfti er jarðskjálfti á Suðurlandi sem stafar af sniðgengishreyfingu á þröngu belti sem liggur frá Ölfusi austur að Vatnafjöllum. Við hreyfinguna bjagast jarðskorpan og spenna hleðst upp. Annað veifið losnar þessi uppsafnaða spenna úr læðingi í jarðskjálftum.Skjálftar urðu þann 17. og 21. júní árið 2000, 6.5 og 6.6 á Richter, en árið 1912 þá reið yfir Suðurland jarðskjálfti sem var 7.0 á Richter. Árið 1896 urðu 5 skjálftar, 6,5-6,9 stig, á svæðinu frá Landssveit vestur í Ölfus.

Í dag  reið skjálftahrina yfir Suðurland. Sterkasti skjálftinn átti sér stað kl. 15:45 og mældist hann 6.1 á Richter. Skjálftinn fannst á höfuðborgarsvæðinu og alla leið til Ísafjarðar. Grjóthrun varð í Vestmannaeyjum og þjóðvegur eitt fór í sundur við Ingólfsfjall. Almannavarnir hafa lýst yfir hæsta viðbúnaðarstigi í Selfossi, Hveragerði og nágrenni vegna hugsanlegra eftirskjálfta

Bloggfærslan er alfarið á ábyrgð skrifanda en endurspeglar ekki á neinn hátt skoðanir eða afstöðu mbl.is, og Morgunblaðsins.

„Það er allt í rúst“

Athugasemdir

[Beturvitringur, 30.5.2008 kl. 00:31]

 Óhugnanlegt!  

Stig Richter      1	Orkan í Júl 800.000	J
2	25.000.000	J
3	800.000.000	J
4	25.000.000.000	J
5	800.000.000.000	J
6	25.000.000.000.000	J
7	800.000.000.000.000	J
8	25.000.000.000.000.000	J

[Beturvitringur, 30.5.2008 kl. 00:33]

Jedúdda mína, fyrirgefðu Markús ég ætlaði ekki að vaða svona yfir þig (á skítugum skónum)

[Linda litla, 30.5.2008 kl. 00:52]

Það var ekki góð tilfiningin sem að ég fann í dag í skjálftanum...... ég átti heima á Hellu þegar skjálftinn var 17 júní og 21 júní 2000 og var með skírnarveislu sem að fór í gólfið.....í orðsins fyllstu.

Vonandi er þetta bara gengið yfir það versta.

[Markús frá Djúpalæk, 30.5.2008 kl. 10:47]

Linda, vonum það bezta. Beturvitringur, takk fyrir innlitið