Myglusveppurinn

Þau tíðindi hafa verið að berast að nokkur hús á háskólasvæðinu á Keflavíkurflugvelli séu haldin myglusveppi. Íbúar kvarta undan því að börn séu oft veik og rekja það til þessa sveppagróðurs. 

Í Rödd Alþýðunnar fyrir viku heyrðum við í henni Bylgju Hafþórsdóttur sem sagði sögu sína af vágestinum sem eyddi húsinu hennar, myglusveppinum. Hún var ótrúlega æðrulaus þrátt fyrir að enginn virtist geta eða vilja hlaupa undir bagga, hvort sem um var að ræða tryggingafélag þeirra, viðlagasjóð, bjargráðasjóð, fyrri eigandi. Allstaðar hafa mætt þeim lokaðar dyr. Nú er komið að okkur, íslendingar hafa hlaupið undir bagga með fólki sem hefur misst allt sitt áður, og því miður er það þannig, eins og hún Sylgja Dögg frá Hús og heilsu sagði, þetta getur gerst hvar sem er. Myglusveppurinn laumast inn til okkar án þess að við verðum vör við það meira að segja, unir sér best í raka og er ekki svo auðveldur viðureignar þegar hann hefur skotið rótum.

Ég birti hér aftur reikningsnúmerið vegna söfnunarinnar fyrir Bylgju og fjölskyldu:

Reikningsnúmer 1102-15-9217, kt. 241064-5149.

Athugasemdir

[Sporðdrekinn, 6.4.2008 kl. 18:11]

Já, það getur nú ekki verið hollt að anda þessum viðbjóði að sér

[Sporðdrekinn, 6.4.2008 kl. 18:12]

Úps! Átti að vera "Nei" en ekki "Já" í upphafi setningar

[Markús frá Djúpalæk, 6.4.2008 kl. 19:19]

Já, nei örugglega ekki.

[Markús frá Djúpalæk, 6.4.2008 kl. 19:28]