Huggun harmi gegn

Svona til að minnka tregann yfir því að  Keira kom (hugsanlega) ekki verð ég að segja ykkur frá því að Kelly McKnightley varði Valentínusardeginum hér á landi, en kærasti hennar Robert McFerrin, sem vinnur á póstdreifingarmiðstöðinni í Perth kom henni rækilega á óvart með að bjóða henni hingað.

Þau dvöldu á gistiheimilinu Svöluhreiðrinu, fóru á American Style og Players og skemmtu sér víst konunglega á Íslandi. Robert keypti handa henni litla Grýlu-styttu í Rammagerðinni og hún gaf honum knús.

Þau eru að hugsa um að koma hingað aftur eftir svona tuttugu ár þegar þau hafa náð að safna sér fyrir annarri ferð hingað. Þeim fannst nefnilega pínulítið dýrt að dvelja hér.

Kom Keira Knightley ekki?

Athugasemdir

[Hrönn Sigurðardóttir, 19.2.2008 kl. 09:35]

Jáááá bíddu! Hann var aftur sá sem náði athygli hennar með því að raða póstinum vitlaust?

[Markús frá Djúpalæk, 19.2.2008 kl. 10:44]

Nákvæmlega, þetta mundirðu