Það var árið 2000 - Fyrir átta árum

Ennþá brennur mér í muna
meir en nokkurn skyldi gruna,
að þú gafst mér undir fótinn.
Fyrir sunnan Fríkirkjuna
fórum við á stefnumótin.

En ég var bara, eins og gengur
ástfanginn og saklaus drengur.
Með söknuði ég seinna fann, að
við hefðum getað vakað lengur
og verið betri hvort við annað.

Svo var það fyrir átta árum,
að ég kvaddi þig með tárum,
daginn sem þú sigldir héðan.
Harmaljóð úr hafsins bárum
hjarta mínu fylgdi á meðan.

En hver veit nema ljósir lokkar,
lítill kjóll og stuttir sokkar
hittist fyrir hinumegin.
Þá getum við í gleði okkar
gengið suður Laufásveginn.

       Tómas Guðmundsson

Athugasemdir

[Beturvitringur, 8.2.2008 kl. 19:41]

ertu að snapa kökuuppskrift?

[Markús frá Djúpalæk, 9.2.2008 kl. 02:16]

Já, virkaði þetta semsé alveg 100%

[Hrönn Sigurðardóttir, 9.2.2008 kl. 13:59]

Fallegt ljóð!

[Markús frá Djúpalæk, 9.2.2008 kl. 14:26]

Hann kunni þetta alveg kallinn