Er ég kjáni?

... hvað eru AFLÞYNNUR?

90 ný störf með nýrri aflþynnuverksmiðju í Eyjafirði

Athugasemdir

[Bjarki S. (IP-tala skráð) 15.8.2007 kl. 13:57]

Sennilega eitthvað sem blaðamenn mbl.is fá sér með kaffinu.

[Markús frá Djúpalæk, 15.8.2007 kl. 14:00]

Veitir sennilega ekki af til að halda sér gangandi yfir daginn. Eina aflþynnu með osti og marmelaði takk.

[Púkinn, 15.8.2007 kl. 14:01]

Sennilega ritvilla fyrir "álþynnur".   Það er a.m.k. það sem þeir framleiða samkvæmt vefsíðunum þeirra.

[Markús frá Djúpalæk, 15.8.2007 kl. 14:07]

Aha, nú skil ég. Mikill léttir verð ég að segja.

[Sigurður Hreiðar, 15.8.2007 kl. 14:58]

Verð að viðurkenna að ég mislas þessa fyrst. Sennilega bregður stundum fyrir hjá mér einhverskonar lesblindu. En mér sýndist standa þarna: …afþynnkuverksmiðju… og hugsaði, ah, flott, heil verksmiðja til að lækna timburmenn…

En því miður var þetta mislestur. Aflþynna? Gjörsamlega óskiljanlegt orð. Einu sinni sem oftar þurfti ég að yfirfara þýðingu þar sem hvað eftir annað var talað um uppflotshylki. Ég var ekki alveg viss hvað þetta var, þó ég gæti giskað á það, sem og reyndist rétt, þetta voru bara flothylki.

Aflþynna? Er þetta eitthvað sem dregur úr afli -- einhvers? Eða afskaplega sterk þynna? Hvernig þynna?

Takk fyrir orðsendinguna í gestabókinni, Markús.

[Markús frá Djúpalæk, 15.8.2007 kl. 15:13]

Já, þýðingar geta stundum verið sprenghlægilegar. Stundum afkáralegar og stundum hreinlega hræðilegar. Einhvern tíma heyrði ég orðin aðlending og blaðahús. Átti sennilega að þýða aðflug og hús sem hýsir blaðaútgáfu. Og fræg er fyrsta setningin sem gömul kona segir í upphafi ævintýrakvikmyndar einnar, eftir að álfar höfðu gert sér leik að snúa við þvotti á snúru: "Those damn fairies" sem var snúið yfir á ástkæra ylhýra sem: "Helv... hommarnir."

Sigurður, ekkert að þakka, gleður mig að þú sért kominn í bloggvinahóp minn.