Dragdrottningin

..komst því miður ekki í síðdegisútvarpið. Öðrum starfsmönnum Útvarps Sögu til mikilla vonbrigða, en Steini Díva kemur bara seinna í staðinn. Brynjar, okkar maður á Akureyri fræddi okkur um Fiskidaginn mikla á Dalvík. Sem er magnað fyrirbæri þar sem þessi litli bær fyrir norðan margfaldast í íbúafjölda, öllum er boðið upp á fisk í allskonar formi, þar á meðal sem vöfflur. Hljómar ekki kræsilega en Brynjar sagði það vera herramannsmat.

Felix Bergsson sagði frá göngunni um söguslóðir samkynhneigðra, sem hann og Baldur Þórhallsson stóðu fyrir í gærkvöldi og aftur í kvöld. Þær voru víst margar og kyngimagnaðar sögurnar af baráttu samkynhneigðra sem yfir 100 manns fengu að heyra af vörum þeirra félaga í göngunni.

Ég fletti Séð & heyrt þar sem laun stjarnanna á Íslandi voru til umræðu, og nokkuð er ljóst að misjafnt er mannanna lánið þar. Fræga og fallega fólkið er með allt frá 21.000 krónum í mánaðarlaun upp í nokkrar milljónir. 

Björn Berg tók við kl. 17 með fótboltaþáttinn og var honum kippt inn í útsendingu rétt fyrir fimm - og hvað haldiði að hann hafi talað um? Jú, mikið rétt. Fótbolta. Hann er voða spenntur fyrir enska boltanum og 1.deildinni íslensku - og eiginlega öllu þar sem fótbolti kemur við sögu.

Stillið á Útvarp Sögu kl. 16:00 á mánudaginn. Þá verður mikið um að vera.

Athugasemdir

[Brynja Hjaltadóttir, 10.8.2007 kl. 21:16]

363 IP tölur hafa heimsótt þig í dag. Fólkið sem á þessar tölur er upp til hópa dónar því enginn hefur kvittað fyrir komunni. Ákvað að vera ekki einn af dónunum og kvitta hér með fyrir heimsókninni. Takk fyrir kaffið

[Markús frá Djúpalæk, 10.8.2007 kl. 22:07]

Verði þér að góðu. Ég vona að það hafi smakkast vel.

[S. Lúther Gestsson, 10.8.2007 kl. 23:19]

Markús ég gleymi alltaf þessum síðdegisþætti þínum enn mikill áhugi er að hlusta engu að síður. Ég mæli með að þú sendir mér sms rétt fyrir þátt. .

Þá kannski hringi ég og bið um óskalag, það yrði enginn íslendingur svikinn af því lagi.

[Markús frá Djúpalæk, 11.8.2007 kl. 09:30]

Lúther minn, þú ert náttúrulega frægur smekkmaður á tónlist, þannig að þjóðin má nú ekki fara varhluta af því. Spurning hvort þú sendir mér ekki bara lista.