Geir Ólafz...

...var gestur í síðdegisviðtalinu í dag.

Geir er einn af þessum náttúrutalentum sem alltaf er gaman að fá í heimsókn. Hann er bara hann sjálfur og segir það sem hann meinar og meinar það sem hann segir. Í þættinum í dag ræddum við um hvernig hann byrjaði að syngja, fyrstu plötuna sem hann eignaðist og fyrstu hljómsveitina.

Geir Ólafs sagði okkur frá því að hann væri að vinna að nýrri plötu með stórri hljómsveit, 22 manna band takk fyrir. Sú er væntanleg á haustdögum og verður fyrsta plata kappans í 6 ár.

Hann sagði okkur sögur af Frank og Nancy Sinatra og að hún væri fyrsta kvenkyns rokkstjarnan, í framhaldi af því spiluðum við lagið These Boots are made for walking og það var ekki laust við að ég væri sammála Geir um hve töff manneskjan er. Það er ekki síður gleðiefni að vita til þess að hugsanlega sé hún væntanleg til landsins.

Geir hefur verið í söngnámi og tók eina létta aríu meðan á auglýsingum stóð. Það er nokkuð ljóst að kallinn er að verða stórsöngvari.

Við ætlum að fá hann í heimsókn aftur þegar nálgast útgáfu nýju plötunnar.

Athugasemdir

[Úlla (IP-tala skráð) 7.8.2007 kl. 22:51]

Afar áhugaverður þáttur svo ekki sé meira sagt!

[Markús frá Djúpalæk, 8.8.2007 kl. 10:26]

Já, varstu ekki grúvílega ánægð með hann?

[Jóna Á. Gísladóttir, 8.8.2007 kl. 11:54]

Gaman að heyra þig tala svo fallega um Geir. Ekki er hægt að neita því að kappinn sætir ansi mikilli gagnrýni. Og margir sem sjá hann sem brandara.

[Markús frá Djúpalæk, 8.8.2007 kl. 12:32]

Hann er stórfínn.