Erkitöffarinn

Valdimar Örn Flygenring var í síðdegisviðtalinu í dag. Við fórum á flakk um ferilinn hans og hlustuðum á uppáhaldstónlistina hans sem var alveg mögnuð, hver meistarinn upp af öðrum; Dylan, Springsteen, Neil Young að ógleymdum meistara Nick Cave.

Valdimar sagði skemmtilegar sögur af veiðinni, úr leikhúsinu og bíómyndunum. Hann sagði okkur frá nýja húsinu sínu í sveitinni, hundinum, hænunum og heimsætunum.

Þetta var afskaplega skemmtilegt viðtal við einn mesta erkitöffara leikhússins á Íslandi sem hefur smám saman verið að snúa sér í aðrar áttir, sem hann sagði líka frá í viðtalinu. Það er engin lognmolla þar sem Valdimar fer.

Ef þú vilt heyra viðtalið minni ég á endurtekningu á því á Útvarpi Sögu 99,4 kl. 23 í kvöld og ennfremur um helgina.

Athugasemdir

[Ómar Eyþórsson, 31.7.2007 kl. 20:09]

Flottur!! Valdimar í Foxtrot!! Uss, fæ ennþá gæsahúð, þarf að hlusta á kallinn við tækifæri,hugsa að ég stilli bara á viðtalið í kvöld.....

[Markús frá Djúpalæk, 1.8.2007 kl. 09:22]

Já, Ómar það væri ekki leiðinlegt að vita af þér í hlustendahópnum.