Ekki frétt dagsins...

...af visi.is

Enginn eldur kom upp þegar lyftumótor í gamla fæðingarheimilinu við Eiríksgötu brann yfir...

Milljónamæringurinn

Ég sem hélt ég hefði unnið fleiri milljónir króna þegar ég fékk svona póst um daginn. Vonbrigðin eru ólýsanleg.

En ég á þó alltaf inni milljónirnar sem ég fær fyrir að aðstoða heiðarlegan bankastarfsmann Robert LeBlanc við að losa stórfé út úr Credit Suisse Bank, það getur bara ekki verið lygi. Enda greinilegt að bankinn á ekkert að lúra á þessum peningum, arfi eftir moldríkan kall. Robert getur ekki verið annað en gæðasál og strangheiðarlegur, maðurinn er búinn að segja mér hvað konan hans er gömul og börnin hans tvö, þetta hlýtur að vera hinn vænsti maður. Eins og hann orðaði það sjálfur: All I need from you is your most honest, sincere and understanding co-operation. Maður sem kemst svona að orði hlýtur að vera heiðarleikinn uppmálaður. Nú. Til enn frekara marks um hve heiðarlegur Robert LeBlanc er, má ekki gleyma einu; hann er búinn að gefa mér símanúmerið sitt.

Ég ætla að hringja í hann á næstunni. Reyndar í beinni útsendingu. Fylgist með.

Ríkislögreglustjóri varar við svikapósti

Myglusveppur í Rödd Alþýðunnar

Vágestur sem heitir myglusveppur hefur herjað á allnokkrar fjölskyldur og hús þeirra hér á Íslandi á undanförnum árum. Moggabloggari einn Bylgja Hafþórsdóttir http://bylgjahaf.blog.is/blog/bylgjahaf/ varð svo illa fyrir barðinu á myglusveppinum að hún og fjölskylda hennar missti hús sitt og megnið af innbúinu, eins og ég sagði frá hér fyrr í vikunni. Það hlýtur að hafa verið hrikaleg lífsreynsla. Nú er fjölskyldan gera eins og hún getur til að rétta hlut sinn og koma lífi sínu í samt form. Einnig er í gangi söfnun þar sem þjóðin hleypur undir bagga með þessarri fjölskyldu á Hvalfjarðarströndinni.

Á mánudagsmorguninn ætlar Bylgja að segja okkur á Útvarpi Sögu í Rödd Alþýðunnar sögu sína. Við ætlum líka að heyra í Sylgju líffræðingi hjá Hús og heilsu sem ætlar að segja okkur hvað myglusveppur er, hvernig fólk getur áttað sig á að hann sé að hreiðra um sig í hýbýlum þess og hvað er til ráða ef hann gerir vart við sig.

Ég hvet alla til að hlusta á mánudagsmorguninn milli kl. 7 og 9.

Það er hrikalegt að Fitna

Hérna er myndin, og getur þá hver dæmt fyrir sig:

http://www.liveleak.com/view?i=7d9_1206624103

Hollensk yfirvöld harma birtingu „Fitna"

Skoðanakönnun

Vildi bara minna á skoðanakönnun á heimasíðu útvarps Sögu http://www.utvarpsaga.is/ . Nú er spurt:

Er dónaskapur að birta mynd af Múhameð spámanni á forsíðu sagnfræðiritsins Sagan öll?

Ég hvet alla að taka þátt!

Cheney kominn til Afganistan

Bulla meira - borga svipað

Í síðustu viku hringdi ungur sölumaður frá símafyrirtækinu SKO sem vildi endilega bjóða hraðvirkari internet tengingu á sérstaklega lágu verði. Sú hugmynd kom upp að tengja alla síma heimilisins við dreifikerfi SKO því það væri svo ódýrt. Aðeins einn GSM sími hefur verið áskriftarsími en tveir með frelsi og fann sölumaður SKO-sins ekkert að því að hafa það þannig áfram. Í dag þegar SKO-ið varð virkt bárust aftur á móti dularfull sms í númerið sem hafði verið áskriftarnúmer, sem bentu til þess að bæta þyrfti við inneign símans. Þetta fannst notanda símans í hæsta máta dularfullt og hringdi snarlega í SKO. Og svörin voru einföld, sko. Allt GSM símkerfi SKO byggist sko á frelsi en ekki áskrift og þetta átti sölumaðurinn að vita, sem þó seldi allt aðra hugmynd. Þannig að nú er sími sem er mjög mikið notaður allt í einu orðinn frelsissími með öllu því ófrelsi sem því fylgir. Mér finnst þetta satt að segja í hæsta máta furðuleg sölumennska og nú er rætt í fullri alvöru á þessu heimili að snúa til baka til gamla dýra símafyrirtækisins. Svona til að kóróna vitleysuna var hringt frá SKO og aftur reynt að bjóða hraðvirkari internet tengingu; það var nefnilega ekkert búið að gera í því máli sem var þó upphafið á þessum ósköpum. Nú spyr maður líka, ætli heimasíminn sé nokkuð orðinn SKO sími?

Hjálp!