Yndislegt...

...mikið er það nú stórkostlegt að fólk hafi svona fínar tekjur. Reyndar að miklu leyti fjármagnstekjur eins og í tilfelli Þorsteins Más, sem borgar hlutfallslega minna í útsvar en matráðskonan í leikskólanum og stelpan á kassanum hjá Jóhannesi. Annars bara allir glaðir með sitt!

Held ég fari bara og fái mér þjassamaul með frakkneskum jarðeplastönglum í hádegisverð og þambi sylgjarskál með. Gæti jafnvel hugsað mér rindarrifflur með þyrilrjóma og berjamauki sem þægðarbragð.

Sæl að sinni!

 

Þorsteinn Már greiðir mest

Hvernig sem allt veltist...

..þá fer þetta allt einhvern veginn á endanum, jafnvel þó margur efist um það á tímabili! Það verður einhvers konar veður hvarvetna, bara muna að klæða sig vel. Það er ekki til vont veður, aðeins heimskulegur klæðnaður.

„Oft litið mun verr út“

Adam Lambert og eldhringurinn

Einhvers konar röskun...

Ein alvarlegasta tegund persónuleikaröskunar er persónuleikatruflun af andfélagslegri gerð, sérstaklega af því að hún kemur verst niður á öðrum. Meðal einkenna má nefna:

• Tillitsleysi við aðra og hneigð til að brjóta á öðrum í eiginhagsmunaskyni.
• Virðingarleysi fyrir siðum, reglum og lögum sem leiðir oft til afbrota.
• Viðkomandi beita ofbeldi ef það þjónar eigin stundarhagsmunum.
• Beita lygum og blekkingum auðveldlega.
• Hafa litla stjórn á löngunum, framkvæma fljótt það sem þeim dettur í hug en sjá ekki fyrir afleiðingarnar og læra ekki af reynslunni.
• Hafa grunnar tilfinningar og hafa ekki samúð með öðrum nema á yfirborðinu.
• Hafa ekki hæfileika til að tengjast öðrum tilfinningaböndum.
• Samviskuleysi.
• Siðblinda. 

Jahérna...líkist þetta einhverju sem við erum farin að þekkja alltof vel?

Yfirlýsing frá Jóni Ásgeiri Jóhannessyni

Svínaflensan tekur á sig ýmsar myndir

Heimsbyggðin öll í hættu

28. júlí 1662 - O tempora! o mores!

Í tilefni dagsins datt mér í hug að rifja upp atburði þá er urðu 28.júlí árið 1662. Hinn svokallaði Kópavogsfundur var þann dag á Kópavogsþingi og var tilgangur hans að fá Íslendinga til að samþykkja erfðaeinveld Danakonungs. Henrik Bjelke, aðmíráll, fulltrúi konungs, kom til Íslands á fund í Kópavogi til þess að fá íslenska höfðingja til að undirrita Erfðahyllinguna. Samningurinn var síðan kallaður Kópavogssamningurinn.

Friðrik III varð því fyrsti einvaldur Danmerkur og nýlenda hennar, en einveldið stóð yfir langt fram á 19.öld.  Forsaga málsins er sú að árið 1661 hafði Danakonungur ákveðið að svipta aðalinn öllum völdum og stofna konungseinveldi í ríki sínu í samstarfi við borgara Kaupmannahafnar.

Árni Oddson hét lögmaðurinn sem skrifaði undir samninginn. Segir þjóðsagan að hann hafi streist á móti í einn dag eða svo en hafði þar á eftir látið undan óskum konungsins og skrifað undir eiðinn með tárin í augunum, umkringdur fjölda hermanna með byssur. Þegar Brynjólfur Sveinson biskup náði tali af Henrik Bjelke og sagði að Íslendingum væri ekki geðfellt að sleppa þjóðarréttindum sínum í hendur annarra, þá hafi hirðstjórinn bent á hermennina og spurt hvort Brynjólfur sæi þá. Jón Sigurðsson hafði dregið fram í dagsljósið tvo bréfmiða sem Árni Magnússon handritasafnari hafði skrifað nokkrum áratugum eftir fundinn, þar sem þessi saga er sögð.

Í raun var konungur farinn að ráða því sem hann kærði sig um á Íslandi löngu fyrr en þetta var og viðurkenning einveldisins var fremur formsatriði en breyting.

Bagalegt ef fyrirtaka AGS tefst

Social Distortion og eldhringurinn

Húrra bravó

Mesta hrekkjusvínið á skólalóðinni ætlar að verða vinur okkar! Það er nefnilega þannig að þegar maður er minnsta örverpið á skólalóðinni er það einfaldlega klókindi að vingast við stærsta hrekkjasvínið. Þannig fær maður vernd.... (Magnús Birgisson)

Össur: „Diplómatískur sigur“

Frelsunin og líknin koma frá Evrópu

Verið óhræddir, því sjá, ég boða yður mikinn fögnuð, sem veitast mun öllum lýðnum: Yður er í dag frelsari fæddur!

Ísland fær enga sérmeðferð

Skrýtin tilfinning

Ég hef innst inni ekki nokkra trú á að þessi spádómur gangi eftir en samt kemur yfir mig einhver ónotatilfinning. Verður maður trúgjarnari með aldrinum?

Spurt um jarðskjálftaspádóm