Ljóð dagsins

Kósíkvöld í kvöld - Baggalútur 

Skelfing er ég leiður á því að húka hér.
Ég hugsa að þú þurfir einhvern að strjúka þér.
Ég þrái það að komast klakklaust heim á ný.
Æ, komdu við í ríkinu – ekki gleyma því.

Ég ætla að byrja á því að demba mér í
furunálafreyðibað.
En ekki fara eitthvað að dúlla þér þar,
þú veist mér leiðist það
- þá kemst ég aldrei að.

Sæktu sloppana, ég skal poppa
það er kósíkvöld í kvöld
- vídeó, rauðvín og ostar.
Sötrum rósavín, deyfum ljósin
það er kósíkvöld í kvöld
- rólegheit, hvað sem það kostar.

Algert óhóf, spennulosun og spilling blind.
Sparistellið, franskar vöfflur – og hryllingsmynd.
Mér áskotnuðust vindlar, við skulum púa þá.
Ég væri til í pottinn, nennirðu að skrúfa frá?

Meðan við kúrum saman tveir fær enginn
máttur skilið okkur að.
Æ, viltu auka leti mína og sækja
pínu meira sjokkólað?
- Og eitthvað útí það?

Svæfðu krakkana, sæktu snakkið
það er kósíkvöld í kvöld
- kavíar, rauðvín og ostar.
Sæktu flísteppið og rjómaísinn
það er kósíkvöld í kvöld
- dejlighed, hvað sem það kostar.

Smelltu límonaði í sódastrímið
það er kósíkvöld í kvöld
- kamparíís, kex og ostar.
Skelltu Donóvan á grammófóninn
það er kósíkvöld í kvöld
- kærlighed, hvað sem það kostar.

Fáðu þér vinur minn, dass af gini
það er kósíkvöld í kvöld
- smávindlar, trúnó og ostar.

 

Bloggfærslan er alfarið á ábyrgð skrifanda en endurspeglar ekki á neinn hátt skoðanir eða afstöðu mbl.is, og Morgunblaðsins


mbl.is Sektaðir fyrir að keyra of hægt
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Þórður Helgi Þórðarson

Hvað ertu að pæla Marky????

Guðjón Bergman ætlar ekki að flytja út og þú ert ekkert að minnast á það???

Fylgjast með drengur!! 

Þórður Helgi Þórðarson, 6.5.2008 kl. 15:40

2 Smámynd: Baldur Fjölnisson

OFF TOPIC, Markús er hægt að nálgast upptöku af frábæru viðtali þínu við formann Landssambands lögreglumanna í gærmorgun? Bullið í manninum var yfirgengilegt sem þér tókst að draga upp úr honum en kurteisi þín og þolinmæði og vel dulbúið háð mjög svo lofsvert. Topp fréttamennska.

Baldur Fjölnisson, 6.5.2008 kl. 17:24

3 Smámynd: Markús frá Djúpalæk

Doddi, á maður nú að fara að segja ekki fréttir eina ferðina enn?  Baldur, Það er án efa hægt að nálgast eintak af viðtalinu á skrifstofu Útvarps Sögu, Suðurlandsbraut 24.

Markús frá Djúpalæk, 6.5.2008 kl. 18:52

4 Smámynd: Baldur Fjölnisson

Þið ættuð endilega að setja í gang podcast og fá síðan sérvalda og nafntogaða hálfvita í viðtal hahahaha.

Baldur Fjölnisson, 6.5.2008 kl. 22:17

5 Smámynd: Markús frá Djúpalæk

Baldur, Podcast er skemmtileg uppfinning en að hún verði notuð til að fá hálfvita í viðtöl er ég satt að segja frekar efins um. Held fremur að Útvarp Saga haldi uppteknum hætti að fá í heimsókn fólk sem hefur frá einhverju að segja, hefur um eitthvað að tala, og getur útskýrt hin ólíkustu málefni. Hitt er svo annað mál hvort þeir sem á hlýða eru sammála eða ósammála því sem frá viðmælendum kemur, það held ég að hafi ekkert með gáfnafar viðmælandanna að gera.

Markús frá Djúpalæk, 7.5.2008 kl. 10:50

6 Smámynd: Helga Guðrún Eiríksdóttir

En á það ber að líta að það þarf í raun voða litlar gáfur til að skilja einfalt samtal tveggja manna. Og ef hlustendum tekst það ekki, þá er ekki von til að þeir geti tjáð sig um þau í athugasemdum svo vit sé í.

En Baldur ætlaði nú að verða sér úti um disk með viðtalinu, væntanlega til að hlusta aftur og betur... svo við skulum ekki gefa upp alla von að hann nái þessu fyrir rest.

Helga Guðrún Eiríksdóttir, 7.5.2008 kl. 12:43

7 Smámynd: Baldur Fjölnisson

Meiningin var nú að dreifa þessu furðulega hálfvitablaðri meðal landsmanna. Annars biðst ég afsökunar á að hafa ofmetið fréttamanninn, þetta var þá víst bara eins konar spontant skemmtiþáttur eftir allt saman.

Baldur Fjölnisson, 7.5.2008 kl. 22:24

8 Smámynd: Baldur Fjölnisson

E.S. Hlustunin á þessa útvarpsstöð er sennilega nánast engin  - sem er ekki að öllu leyti sanngjarnt -  skv. ofanrituðu og vildi ég sem sagt aðeins breiða gullkorn frá henni út.

Baldur Fjölnisson, 7.5.2008 kl. 22:28

9 Smámynd: Baldur Fjölnisson

Þessi numero ono hálfviti í lögreglustéttinni hélt því sem sagt blákalt fram að ef menn yrðu vitni að átökum þá bæri þeim að skipta sér ekki af þeim heldur taka bara upp símann og hringja í lögguna. Hahahaha. Hann var að reyna að afsaka hálfvitalega framgöngu samhálfvita sinna sem einhverjir útlendir mafíósar tóku skiljanlega í nefið ásamt hérlendum dómurum. Er ekki bara málið að láta þessa vitleysinga bara skjóta þá sem þeir hafa aldrei möguleika á að díla við vegna algjörs skorts á vitsmunum og dómgreind? Það má byrja á að láta þá drepa slatta með rafbyssum og síðan er bara að þróa það yfir í alvöru byssur.

Baldur Fjölnisson, 7.5.2008 kl. 22:44

10 Smámynd: Markús frá Djúpalæk

Baldur, það er ágætt að vita til þess að þú hlustar á Sögu, og ég veit að mikið fleiri gera slíkt hið sama. Það er nokkuð öruggt að á heimsvísu er hlustunin nánast engin, en á Íslandi bara nokkuð góð. Ég veit ekkert hvort þú hefur ofmetið mig eða ekki, ég geri bara mitt besta hverju sinni, rétt eins og flestir aðrir. Ég þekki þig auðvitað ekkert og næ ekki alveg hvers vegna þér er svona uppsigað við lögregluna, nema hún hafi gert þér eitthvað. Mér hefur aldrei fundist það leið til að ná árangri í samskiptum við annað fólk að uppnefna það, en kannski hjálpar það einhverjum. Þér er auðvitað velkomið að nálgast eintak af viðtalinu, ef þig langar það enn, þó ekki sé til annars en að kalla fram bros á andliti þínu. Með von um að þú haldir áfram að hafa gaman af að hlusta á Útvarp Sögu, kveðja

Markús frá Djúpalæk, 8.5.2008 kl. 12:31

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband